कलाकार डंगोल र सुखद पाहुना घरका सञ्चालक ध्रुवकुमार रावलले संयुक्त रुपमा सुरु गरेको आर्ट ग्यालरीको गएको आइतवार एक औपचारिक कार्यक्रमका बीच समुद्घाटन भएको छ । बरिष्ठ कलाकार राकेशचन्द्र श्रेष्ठले नेपाल पत्रकार महासंघ नुवाकोटका अध्यक्ष कपिलदेव खनाललाई कलाकार डंगोलको चित्रकला हस्तान्तरण गरेर ग्यालरीको समुद्घाटन गरेका हुन् ।
सुखद आर्ट ग्यालरीमा कलाकार शशीकुमार डंगोलले तयार पारेको नुवाकोट रसुवा तथा अन्य स्थानका जनजीवन, ऐतिहासिक स्थल र विभिन्न पक्षलाई समेटिएको चित्रकलाहरू राखिएको छ । प्रर्दशनी तथा विक्रिका लागि सुरु भएको आर्ट ग्यालरीमा अहिले ३० भन्दा बढी चित्रकला रहेको छ । आफ्नो जीवनको सबै भन्दा ठूलो सपना पुरा भएको भन्दै यसले मोफसलमा पनि कलाकारिताको संरक्षण र श्रीवृद्धिमा टेवा पुग्ने कलाकार शशीकुमार डंगोलले बताए ।
चार दिनसम्म चलेको रसुवा कला यात्राको समापनको क्रममा नुवाकोट आइपुगेका राष्ट्रिय कलाकारहरूको बीचमा आर्ट ग्यालरीको सुरुवात भएको हो । उत्कृष्ठ चित्रकलामा नाम कमाएका बेत्रावतीका कलाकारले नुवाकोटमा सुरु गरेको आर्ट ग्यालरीले कलाको संरक्षण र विकासका लागि उपत्यका भन्दा बाहिर पनि अभियान सुरु भएको सन्देश मिलेको बरिष्ठ कलाकाहरूले बताएका छन् ।
कलाकारितामा समेट्न सकिने, ऐतिहासिक क्षेत्र, परिवेश र प्रकृति नुवाकोट र रसुवामा रहेको उल्लेख गर्दै बरिष्ठ कलाकार दीपेन्द्रमान बनेपालीले यसरी सुरु भएको आर्ट ग्यालरी नेपालका लागि नै नमूना रहेको बताए ।
No comments:
Post a Comment