दुईलाई बैंकको छात्रवृत्ति

विदुर/सानिमा बैंक किस्पाङ शाखाले सामाजिक उत्तरदायित्व अन्तरगत दुई विद्यार्थीलाई छात्रबृत्ति प्रदान गरेको छ । बैंकले उपलब्ध गराएको छात्रबृत्ति गाउँपलिका अध्यक्ष छत्रबहादुर लामाले विद्यार्थीहरू सञ्जु तामाङ र रामशरण विश्वकर्मालाई प्रदान गरे । बैंकले हरेक वर्ष कक्षा ११ र १२ मा अध्ययन गर्ने जेहेन्दार विद्यार्थीलाई छात्रबृत्ति उपलब्ध गराउदै आएको छ । त्यस अन्र्तगत जनही साढे ३७ हजार प्रदान गरिएको बैंकका किस्पाङ प्रमुख प्रसन्न सेढाईले बताए ।