हरिबहादुर दोषि ठहर

विदुर\दृष्टिविहीन युवतीलाई जबर्जस्ती करणी गर्ने किस्पाङ गाउँपालिका–३ भाल्चेका ३७ वर्षीय हरिबहादुर तामाङलाई नुवाकोट जिल्ला अदालतले दोषी ठहर गर्दै सजायको फैसला गरेको छ ।
तामाङलाई दोषी ठहर गर्दै जिल्ला न्यायाधीश उमेशप्रसाद लुइँटेलको इजलासले बुधबार १० वर्ष कैद र ५० हजार क्षतिपूर्ति भराउने फैसला गरेको हो । श्रेस्तेदार शिवप्रसाद बञ्जाराका अनुसार जबर्जस्ती करणी कसुरमा सात वर्ष र अपाङ्गता भएकी युवतीलाई जबर्जस्ती करणी गरेकाले थप तीन वर्ष गरी १० वर्ष सजायको फैसला भएको हो । २०७५ चैत ९ गते शौचालय गएकी दृष्टिविहीन युवतीलाई शौचालयमै जबर्जस्ती करणी गरेको आरोपमा तामाङलाई पक्राउ गरी मुद्दा चलाइएको थियो ।