विदुर/नेपाललाई सन् २०३० भित्र पूर्ण सरसफाईयुक्त देश बनाउने राष्ट्रिय लक्ष्यलाई टेवा पु¥याउने गरी नुवाकोटमा पानी परिक्षण गर्ने मिनी ल्याव सञ्चालनमा आएको छ । विदुरमा वातावरण जनस्वास्थ्य संस्था (एन्फो) र डिकोन नेपालले पानी परिक्षणको मिनी ल्याव सञ्चालनमा ल्याएको हो ।
ल्याव स्थापना संगै पानीको मुहान, सङ्कलन ट्याङ्की, धारा तथा कुवाको पानीको गुणस्तर जाँच गराउन जिल्लामै सम्भव भएको छ । डिकोन नेपालका कार्यकारी निर्देशक चोकराज शाक्यका अनुसार पानीको सबै खाले परीक्षण अब मिनी ल्यावमा सम्भव भएको छ पानीको धमिलोपना, पिएच रंग, फलाम, क्लोराइड, नाइट्रेड, कडापन, एमोनिया, क्याल्सियम, म्याग्नेसियम, क्लोरिन अवशेष, इ–कोली र कोलफर्म उक्त ल्यावमा परिक्षण हुनेछ ।
त्यसका लागि केही शुल्क लाग्ने संस्थाले जनाएको छ । पानीको आधारभूत ३ प्रकारका कोलिफर्म, एमोनिया र फलाम परिक्षण गरेमा साढे दूई सय देखि ३ सय रुपैयाँ सम्म शुल्क लाग्ने छ । पानीका सबै १३ प्रकारकै परीक्षणको सेवा लिएमा १५ सय देखि १७ सय रुपैयाँसम्म शुल्क रहेको छ । घरायसी प्रयोजन, उपभोक्ता समिति र व्यवसायी संघसंस्था तथा कार्यालयका लागि पानी परिक्षणको फरक फरक सेवा शुल्क तोकिएको छ ।
No comments:
Post a Comment