चीनबाट १० लाख किलो प्याज

विदुर\चालु आर्थिक वर्षको ५ महिनामा रसुवागढी नाका हुँदै चीनबाट १० लाख किलो सुकेको प्याज आयात भएको छ ।
भारत सहित नेपालमा प्याजको भाउमा वृद्धि भएपछि रसुवागढी नाका हुँदै चिनिँया प्याज भित्रिन थालेको हो । चीनबाट आउन थालेपछि मात्रै नेपाली बजारमा प्याज सुलभ भएको हो । भन्सार विभागका अनुसार यस अवधिमा नेपालमा कुल १८ लाख ३५ हजार २८२ किलो सुकेको प्याज आयात भएको हो ।
चीनबाट प्याज किन्न पाँच महिनामा नेपालले ८ करोड २१ लाख खर्च गरेको छ । नेपालले भारतबाट ३ करोड ५० लाखको मात्र प्याज किनेको छ ।