दैनिक तीन करोड संकलन

विदुर\रसुवा भन्सार कार्यालयले चालु आर्थिक वर्षमा दैनिक सरदर ३ करोड रुपैयाँ राजश्व संकलन गर्दै आएको छ ।
साउनदेखि पुस मसान्तसम्मको ६ महिनाको अवधिमा रसुवा भन्सार कार्यालयबाट ७ अर्ब ३३ करोड राजश्व संकलन भएको हो । रसुवागढी हुँदै जुत्ता, चप्पल, थर्मस, इलेक्ट्रोनिक सामान, तयारी पोशाक, कम्बल, विद्युत् निर्माणका सामग्री, कपडा, खेलौना लगायतका सामग्री आयात हुँदै आएको छ । रसुवा भन्सार कार्यालय टिमुरेका प्रमुख भन्सार अधिकृत पुण्यविक्रम खड्काका अनुसार दैनिक रूपमा ५०–६० ट्रक कन्टेनरको जाँचपास हुने गरेको छ ।