मनमोहक बाघमारा

तादी गाउँपालिकाको बाघमारामा रहेको
एक घर र बाख्रा चराउँदै बालिका ।

प्रितिका थापा
बाघमारा(तादी)\नेपाल भ्रमण वर्ष २०२० का लागि नुवाकोटमा चर्चा भएका पर्यटकिय स्थलहरू मध्येको एक बाघमाराले आन्तरिक तथा बाह्य पर्यटकहरूको प्रतीक्षा गरिरहेको छ । नुवाकोटको ६० प्रतिशत भन्दा बढी भुभाग नजिकैबाट हेरेको अनुभुती हुने बाघमारा तादी गाउँपालिकामा रहेको छ ।
मनोरम दृष्य, पिकनिक तथा चिसो हावापानीका लागि प्रशिद्ध यो माघमारा तादी गाउँपालिकाको वडा नं. ४ र २ मा पर्दछ । अधिकांश भुभाग वडा नं. ४ मा पर्ने यो अलौकिक पर्यटकिय स्थलको केही भुभाग वडा नं. २ मा समेत फिजारिएको छ । केही दशक पहिलानै पर्यटकिय सम्भावनाका रुपमा पहिचान भएको यो ठाउँको प्रचार र भौतिक संरचनाको व्यवस्था नहुँदा ओझेलमा पर्दै आएको थियो । जब स्थानीय सरकार स्थापनासंगै तादी गाउँपालिका सक्रिय बन्यो त्यसपछि यसको प्रशस्त सम्भावनाको खोजी भएको छ । यहाँ पर्यटकको लागि विश्राम गर्ने घुम्तीघरको समेत स्थापना भइसकेको वडा नं. ४ का अध्यक्ष मुक्तबहादुर श्रेष्ठ बताउँछन् । ‘नेपाल भ्रमण वर्षका लागि बाघमारा नुवाकोटको एउटा गन्तब्यमा विकास भएको छ’ श्रेष्ठले भने ।
यो बाघमाराबाट नुवाकोट जिल्लाको आधाभन्दा बढी भु–भाग नजिकैबाट अबलोकन गरेको अनुभुती हुन्छ । यहाँबाट छिमेकी गाउँपालिकाहरू सबैको दृष्याबलोकन गर्नसकिने भएकोले पनि यहाँ छिमेकी गाउँपालिका तथा काठमाडौंबाट घुम्न, हेर्न र पिकनिकका लागि पर्यटकरु आउने गरेका छन् । दिनानुदिन पर्यटकको चाप बढेकै कारण गाउँपालिकाले बाघमाराको संरक्षण, प्रचार र आवश्यक भौतिक पुर्वाधारका लागि कार्य गरिरहेको छ । यस तादी गाउँपालिकाका अध्यक्ष नारायणप्रसाद पाण्डे बाहिर जिल्लादेखिनै बाघमाराको पकृति सौन्र्दभको अवलोकन गर्न आउने गरेको बताउँछन् । ‘भ्रमण वर्ष सुरु भएपछि त झन् यहाँ आन्तरिक पर्यटकहरूको संख्यामा वृद्धि भएको छ’ अध्यक्ष पाण्डेले भने ।
प्राकृतिक रुपले असाध्यै मनमोहक तादी गाउँपालिकामा आन्तरिक पर्यटक र बाह्य पर्यटकहरूका लागि घुम्न, समय बिताउन र अध्ययन गर्नका लागि प्रशस्त स्थानहरू छन् । अर्गानिक गाउँदेखि शहर अनि विकासोन्मुख शहर रहेको यहाँ आन्तरिक पर्यटकहरूका लागि थुप्रै सम्भावना देखापरेको छ । यसको उजागर र बजारिकरण गर्नका लागि स्थानीय सरकारले विशेष कार्यक्रमहरू सञ्चालनमा ल्याएको छ । तादी गाउँ पालिकाका उपाध्यक्ष ईश्वरी उप्रेती भ्रमणका लागि तादी गाउँपालिकामा प्रशस्त स्थानहरू अन्यत्र पनि प्रशिद्ध रहेको बताउँछन् ।
बाघमारा बाहेक नर्जामण्डपको कोट, उर्लेनी, पौडाँडा यहाँ सहज यातायतको पहूाच भएको र आर्कषण् पर्यटकिय क्षेत्रहरू हुन् ।