 |
| काठमाडौं–केरुङ सडकमाग अन्र्तगत पर्ने प्रस्तावित टोखा–छहरे सुरुङमार्गको काठमाडौं टोखा तर्फको सुरुङ अग्र भागको आकृति । |
यो राजमार्गमा दुईवटा सुरुङ मार्गसहित ११ मिटर चौडाइको ‘डेडिकेटेड’ दुई लेनको सडक बनाइनेछ । सडक बनेपछि काठमाडौंबाट रुसुवागढी नाका दुई घन्टामै पुगिने अनुमान छ । काठमाडौंको त्रिपुरेश्वरबाट सुरु भई टोखा–विदुर–बेत्रावती हुँदै रसुवागढी पुग्न १०७ किलोमिटर लम्बाइ पर्नेछ ।
चीनले यसलाई प्राथमिकतामा राख्दै अध्ययन गरिरहेको छ । सडकलाई छोट्याउन निर्माण गरिने टोखा–छहरे सुरुङमार्गको पूर्वसम्भाव्यता अध्ययन समेत सकिएको छ ।
बेत्रावती–रसुवागढी सडक खण्डको बीचमा अर्को सुरुङ निर्माण गर्ने अध्ययनका लागि अर्को चिनियाँ टोली आउन लागेको नेपाल सरकारले बताएको छ । पुर्ब सम्भाब्यता अध्यन पछी डिपिआर तयार गरेर चाँडो निर्माण सुरु गर्ने योजनामा चिनियाँ टोली रहेको सडक विभाग, विकास सहायता कार्यान्वयन महाशाखाले जनायो । बेत्रावतीबाट रसुवागढी ५७ किलोमिटर छ । सुरुमार्ग बनाइएपछि ५ किलोमिटर घट्ने अनुमान छ ।
महाशाखाका प्रमुख अर्जुनजंग थापाका अनुसार आउँदो चैतभित्रै पूर्वसम्भाव्यता अध्ययनको अन्तिम प्रतिवेदन पूरा हुनेछ । त्यसपछि विस्तृत आयोजना अध्ययनको काम थालिने छ । चिनियाँ राष्ट्रपतिको भ्रमणका क्रममा दुई देशबीच अन्तर आबद्धतालाई वृद्धि गर्न काठमाडौं–केरुङ सडकमा पर्ने सुरुङमार्गको सम्भाव्यता अध्ययनगरिने समझदारी भएको थियो । पहिलो चरणमा टोखा–छहरे सुरुङको पूर्वसम्भाव्यता अध्ययन गर्न चिनियाँ टोली नेपाल आएको थियो ।
No comments:
Post a Comment