देउडी झोलुङ्गे पुल मर्मत सम्पन्न

विदुर\साबिक कल्याणपुर गाबिसको ७ र ५ जोड्ने सामरी खोलाको देउडीस्थित झोलुङ्गे पुल मर्मत भएको छ । विदुर नगरपालिकाको २ लाख आर्थिक सहयोग र १ लाख स्थानीय जन श्रमदान गरि पुल निर्माण भएको स्थानीय पुल मर्मत समितिका रमेश थापा मगरले बताए ।

उक्त पुल साबिक कल्याणपुर गाबिसकै पुरानो झोलुङ्गे पुल रहेको थियो । स्थापना काल देखि काठको फट्टा भएको हुदा बार्षिक रुपमा परिवर्तन गरिरहने पर्ने हुँदा आर्थिक भार पर्दै आईरहेकोमा हाल काठ ठाउमा फलामको रड प्रयोग गरिएको छ । काठको फट्टा हुँदा दुर्घटना समेत हुने गरेको थियो । अहिले फलामको रड प्रयोग भएको पिटि अनलाईनले लेखेको छ ।