रानिपौवा\ककनी गाउँपालिकाले पशुपालन र दुग्ध व्यवसायलाई प्रोत्साहन गर्न गाइभैसीलाई सुत्केरी भत्ता वितरण गर्न थालेको छ ।
२०७६\७७ को नीति तथा कार्यक्रम अनुसार गाउँपालिकाको पशु सेवा शाखाले वडा नम्बर ७ चतुरालेमा सुत्केरी गाइभैसीको किसानलाई प्रोत्साहन रकम वितरण गरेको वडा अध्यक्ष पुष्कर बोगटीले बताए । चालु आर्थिक वर्षमा चतुरालेमा ६ वटा गाई र ५५ वटा भैसी सुत्केरी भएको गाउँपालिकाको तथ्याङ्क छ । ती ६१ गाईभैसीका किसानलाई ३÷३ हजार रुपैयाँ प्रदान गरिएको पशु सेवा शाखाका प्रमुख बाबुकाजी पाण्डेले जानकारी दिए ।
यस अघि ककनी वडा नम्बर ८ थानसिङमा ७५ वटा सुत्केरी गाइभैसीलाई प्रोत्सहान भत्ता वितरण गरिएको थियो । गापा अध्यक्ष मानबहादुर लामाले पशुपालन र दुग्ध व्यवसायलाई प्रोत्साहन गर्न पालिकाले ब्याएका गाईभैसीलाई प्रोत्साहन भत्ता दिन थालेकोले र त्यसलाई निरन्तर रुपमा अघि बढाइने प्रतिक्रृया दिए । भत्ता लिन गाईभैसी ब्याएपछि पाढापाढी÷बाच्छाबाच्छी देखिने गरी दुध दोहिरहेको फोटो, किसानको नागरिकताको फोटोकपी र वडा कार्यालयको सिफारिस गाउँपालिकामा पेश गर्नुपर्ने छ ।
No comments:
Post a Comment