विदुर\शिवपुरी गाउँपालिका वडा नम्बर ५ का निर्वाचित सदस्य राजु थापा पक्राउ परेका छन् । केन्द्रीय अनुसन्धान ब्यूरो काठमाडौंले डकैती मुद्दामा उनलाई पक्राउ गरेको हो । थापालाई ३२ तोला सुन डकैती गरेको आरोप छ । सर्वोच्च अदालतले थापालाई डाँका मुद्दामा २०७५ साल असार ११ गते ४ लाख २० हजार जरिवाना र ६ वर्ष कैदको फैसला सुनाएको थियो ।
ब्यूरोको टोलीले काठमाडौंको मित्रनगरबाट थापालाई मंगलबार पक्राउ गरी फैसला कार्यान्वयनको लागि काठमाडौं जिल्ला अदालतमा पेश गरेको र अदालतले उनलाई डील्लीबजार कारागार पठाएको प्रहरीले जनाएको छ । प्रहरीका अनुसार थापाले काठमाडौंको भिमसेनगोलाबाट २०५३ साल माघ १० गते राति ३२ तोला सुन लुटेर फरार भएका थिए ।
भन्सार छुट्याएर ल्याउँदै गर्दै थापाले बाटोबाटै लुटेर फरार भएको भन्दै छिरिङ वाङ्गेल घलेले मुद्दा दायर गरेका थिए । थापा तत्कालिन नेकपा एमालेबाट विजयी भएका हुन् ।
No comments:
Post a Comment