दुई स्कुललाई बस अनुदान

विदुर\बागमती प्रदेशको सामाजिक बिकास मन्त्रालयले विद्यालय बस सेवा कार्यक्रमको लागि २५ वटा विद्यालय छनौट गरेको छ । त्यसमा नुवाकेटको दुई वटा परेको छ ।
मन्त्रालयको चालु आर्थिक वर्षको स्वीकृत कार्यक्रम अन्तर्गत विद्यालय बस सेवा अनुदानको कार्यक्रमको लागि विद्यालय बस सेवा कार्यक्रम सञ्चालन कार्यविधि–२०७६ बमोजिम प्रदेश भित्रको १३ जिल्लाका २५ विद्यालय छनौटमा परेका हुन् । मन्त्रालयद्धारा जारी सूचना अनुसार नुवाकोट जिल्लाका दुई वटा सामुदायिक विद्यालय विद्यालय बस सेवा कार्यक्रमको लागि छनौटमा परेको छ ।
छनौटमा परेको बिद्यालयहरूमा बेलकोटगढी नगरपालिका वडा नम्बर ७ रातमाटेको महादेव मावि र विदुर नगरपालिका वडा नम्बर ७ को चण्डेश्वरी मावि छन् ।