नुवाकोटमा पहिलो डोज लगाउने नै ५७ प्रतिशत मात्र

सुनिता गुरुङ

विदुर । नुवाकोटमा हालसम्म लक्षित नागरिकको ४५ प्रतिशतले कोभिड–१९ नोबेल कोरोना भाइरस विरुद्धको दोश्रो डोजको खोप पाएका छन् ।  स्वास्थ्य कार्यालय नुवाकोटका अनुसार नुवाकोटका ७३ हजार ५४७ जनाले दोश्रो डोजको खोप पाएका हुन् । 

स्वास्थ्य कार्यालय नुवाकोटले शुक्रवार पत्रकारहरूसंग अन्तरक्रिया गर्दै हालसम्म कोरोना विरुद्धको खोपको अभियान र प्रयोग गर्नेको संख्याको बारेमा जानकारी गराएको छ । स्वास्थ्य कार्यालय नुवाकोटका प्रमुख महेन्द्रध्वज अधिकारीका अनुसार २ लाख ८९ हजार जनालाई खोप लगाउने लक्ष्मित संख्यामा राखिएको छ । त्यस मध्ये १ लाख ८ हजारले खोपको पहिलो मात्रा लगाएका छन् । यो प्रतिशतको हिसावले ५७ प्रतिशत हुन्छ । २०७७ साल माघ १४ गतेदेखि २०७८ माघ २९ गतेसम्म लगाएको खोपको विवरण सार्वजनिक गर्दै स्वास्थय प्रमुख अधिकारीले बुस्टर डोवप लगाउनेहरूको तथ्याङ्क भने पूर्ण रुपमा जम्मा नभइसकेको बताएका छन् । 

त्यस्तै १२ देखि १७ वर्ष उमेर समुहका ३३ हजार लक्षित नागरिक रहेको नुवाकोटमा पहिलो डोजको खोप लगाउने ८३ प्रतिशत रहेको छ । पहिलो मात्रा खोप लगाउनेहरू २६ हजार छन् । 

त्यस्तै दोश्रो मात्राको खोप लगाउनेको संख्या १८ हजार ५ सय मात्रै रहेको स्वास्थ्य कार्यालय नुवाकोटले जनाएको छ । यो लक्षित संख्याको ५८ प्रतिशत मात्रै हो । 

६ हजार मात्रा खोप बाँकी रहेको स्वास्थ्य कार्यालय नुवाकोटका कृष्णप्रसाद रिजालले बताए । बाँकी खोप चैत १ र २ गते लगाइने भएको छ । जिल्लाका विभिन्न सात स्थानीय तहमा पहिलो जोड र दोश्रो जोडका लागि उक्त खोप प्रयोग गरिने कार्यक्रममा स्वास्थ्य प्रमुख अधिकारीले जानकारी दिएका छन् ।