Monday, March 07, 2022

ल्याण्डफिलसाइटको निर्माण रोकियो

ककनी । बञ्चरेडाँडा ल्याण्डफिलसाइटको निर्माणकार्य पुनः रोकिएको छ । आम नागरिकको स्वास्थ्यलाई खेलवाड गर्दै सरकारी पक्षले गरेका प्रतिवद्धता कान्र्यान्वयन नगरी बञ्चरेडाँडामा फोहरमैला थुपार्ने रणनीतिमा लागेको भन्दै स्थानीयहरूले ल्यण्डफिल साइटको निर्माणकार्य रोकेका हुन् । 

स्थानीयहरूले शनिबार बिहान ७ बजे देखी निर्माणकार्य रोकेका छन् । आक्रोशित स्थानीयहरूले यो पहिलो चरणको विरोध भएको र माग सम्बोधन नभए अर्को चरणको विरोधमा जान आफूहरू बाध्य हुने चेतावनी दिएका छन् । ‘कि फोहोर रहित, कि मानव रहित बनाउँनुपर्ने र साथै स्थानीयहरूको जीवन बीमा, शिक्षा स्वास्थ्य, पक्कि बाटो हुनु पर्ने’ संघर्ष समितिका अध्यक्ष श्रीराम ढुंगानाले बताएका छन् । 

यसै बीच, काठमाडौ उपत्यकाको फोहोर उढ्न थालेको एक साता नपुग्दै फेरि पासाङल्हामु सडक कालोपत्रे दवाव समुहले फोहोर ल्याउन रोक लगाएको छ । ८ बर्ष देखि स्तरउन्नतीको नाममा अलपत्र छाढेको पासाङल्हामु सडक मार्गको काम अगाडी सार्नका लागि स्थानीयहरूले दवाद दिँदै फोहोरको गाडी रोकेका हुन् । 

१ फागुनदेखि नै यो सडकमा फोहोर बोकेर सिसडोलको डम्पिङसाइटमा पुगेका गाडीलाई स्थानीयले रोकेका थिए । एक हप्ताभन्दा बढी अवधि फोहोर रोकिएपछि ठेकदार कम्पनीसँग तत्काल सडक कालोपत्रे गर्ने सहमती भएर बाटो खुलेको थियो । यही आन्दोलनपछि झण्डै डेढ वर्षदेखि गुमनाम सडक विभाग र ठेकदार शैलुङ कन्स्ट्रक्सन इन्जिनियर तथा कामदारहरू सडकका देखा परेका थिए । एक हप्तासम्म काठमाडौंबाट सिसडोलमा फोहोर बोकेर जाने गाडी नै रोकिएपछि उनीहरूलाई सडकमा ग्राभेल गर्न र हेभी मेसिनहरू चलाउन थालेका हुन् । 

तर, काम आलटाल भएकै बखतमा फेरि स्थानीयहरू खबरदारी गर्दै दबाब सिर्जना गरिरहेका छन् । गत बिहीबारसम्म स्थानीयले ‘नो रोड, नो भोट’ नारासहित स्थानीयले ठेकदार कम्पनी शैलुङका सञ्चालक शारदाप्रसाद अधिकारीको फोटो समेत सार्वजनिक स्थलमा टाँसेर विरोध गर्दै आएका थिए । 

No comments:

Post a Comment