 |
| लागू औषध प्रयोगमा जिल्लाको अवस्था बताउँदै प्रजिअ रिसाल । तस्बिरः प्रितिका थापा |
विदुर । लागूू औषध दुरुपयोग तथा अवैध ओसारपसार विरुद्धको अभियानमा सक्रिय अभियन्ता बशन्त कुँवरले संयुक्त राष्ट्र संघको विश्व लागूु औषध प्रतिवेदन २०२१ ले वर्षेनी लागूु औषध प्रयोगकर्ता बढ्दै गएको देखाएको र नेपालमा एक लाख ३१ हजार जना लागूु औषध प्रयोगकर्ता रहेको पछिल्लो प्रतिवेदनमा उल्लेख गरिएको बताएका छन् ।
जिल्ला प्रशासन कार्यालय नुवाकोटद्धारा आयोजित लागूू औषध नियन्त्रणमा सरोकारवालाहरूको भुमिका विषयक अन्तरक्रिया कार्यक्रममा उनले उक्त धारणा राखेका हुन् ।
उनले दुब्र्यसनमा युवा, किशोर किशोरीको संख्या बढ्दै जानु चिन्ताको विषय रहेको बताउँदै विशेष गरी अवैध लागूु औषध गाँजा चरेसको खेती खुल्ला हुनु नहुने धारणा राखेका छन् ।
कार्यक्रममा जिल्ला समन्व्य समिति नुवाकोटका प्रमुख सन्तमान तामाङले युवा वर्गमा स्वभाव, बोल्ने शैली, दैनिक आचरण परिवर्तन हुँदै जानु, शरीर कमजोर बन्दै जानु जस्ता लक्षणहरू देखिएमा लागूु औषधको दुव्र्यवसनमा फसेको हुनसक्ने हुँदा यस तर्फ अभिभावक सचेत बन्नु पर्ने कुरामा जोड दिएका छन् ।
उनले कत्तिपय परम्पराले लागूु औषध सेवन र दुब्र्यसनमा धकेल्ने हुँदा समाजले त्यस्तो कुरालाई हटाउदै लैजानु पर्ने बताए ।
कार्यक्रममा नुवाकोटका प्रमुख जिल्ला अधिकारी नारयणप्रसाद रिसालले राज्य, समाज, प्रहरी प्रशासन, जनप्रतिनिधि सबैको सामूहिक प्रयासबाट मात्रै लागूु औषध नियन्त्रण हुने कुरामा जोड दिए ।
कार्यक्रममा सहभागिहरूलाई सहायक प्रमुख जिल्ला अधिकारी बेदप्रसाद अर्यालले लागूु औषधको प्रयोग, त्यसले पार्ने दिर्घकालिन असर र प्रचलित कानुनको विषयमा प्रस्तुतिकरण गरेका थिए ।
No comments:
Post a Comment