विदुर । शुक्रवारबाट नुवाकोट सहित देशैभर टाइफाइड खोप अभियान सञ्चालन भइरहेको छ । वैशाख १८ गतेसम्म सञ्चालन हुने छ । राष्ट्रिय खोप कार्यक्रममा नियमित खोपमार्फत टाइफाइड खोप पनि समावेश गर्ने घोषणा अनुसार सञ्चालन भइरहेको छ । राष्ट्रिय खोप कार्यक्रमलाई सरकारको पहिलो प्राथमिकता एवं जनस्वास्थ्यको सफल कार्यक्रमको रुपमा लिइएको छ ।
हाल यो कार्यक्रममार्फत १२ वटा एन्टिजेन समेत समावेश गरी नियमित खोप कार्यक्रमको प्रभावकारी कार्यान्वयनबाट बालबालिकाको बिरामी दर, अपाङ्गता र शिशु तथा बाल मृत्युदरसमेतमा उल्लेख्य कमी आउन सकेको सो अवसरमा जानकारी दिइयो । नेपालमा अझैपनि टाइफाइड रोगको उच्च संक्रमण साथै अस्पताल भर्ना हुने कारणमध्ये प्रमुख पाँचभित्र देखिएको छ ।
यो खोप सुरुमा १५ महिनादेखि १५ वर्ष उमेर समूहमा देशैभर अभियानमार्फत सञ्चालन गरी नियमित खोपमार्फत १५ महिनाकालाई निरन्तर उपलब्ध गराइने छ ।
No comments:
Post a Comment