तारकेश्वर । हाल नेकपा एमालेको अध्यक्ष उपाध्यक्ष नै निर्वाचित नुवाकोटको तारकेश्वर गाउँपालिका अध्यक्षका लागि नेकपा एमालेमा धेरै आकांक्षी देखिएका छन् ।
अध्यक्ष पदका लागि तारकेश्वर गाउँपालिकाका सातजनाले आ–आफ्नो दावी प्रस्तुत गरेका छन् । बिहीबार संघीय सांसद नारायणप्रसाद खतिवडाको उपस्थितीमा भएको भेलामा सात जनाले आकांक्षा व्यक्त गरेका छन् । तारकेश्वर गाउँपालिका कमिटी अध्यक्ष केशव घिमिरेको अध्यक्षतामा बसेको पालिकस्तरीय छलफलमा एमाले केन्द्रीय सदस्य उषाकिरण तिम्सिनादेखि प्रेस चौतारी नेपालका केन्द्रीय सदस्य बिष्णु तारुकेसम्मको दाबेदारी पेश भएको हो ।
बैठकमा तिम्सिना र तारुकेसहित जिल्ला सचिवालाय सदस्य हरि अधिकारी, हालका गाउँपालिका अध्यक्ष रमेश वस्ती, प्रदेश कमिटि सदस्य रामहरि न्यौपाने, गाउँपालिका उपाध्यक्ष तारादेवी रिमाल, एमाले तारकेश्वर ईञ्चार्ज तथा वडा नम्बर २ का वडाध्यक्ष समरबहादुर आलेमगरले गाउँपालिका अध्यक्षमा दावी गरेका हुन् ।
२०७४ सालको स्थानीय तह निर्वाचनमा तारेश्वर गाउँपालिकामा एमालेले जितेको थियो । सो निर्वाचनमा एमालेका रमेशबहादुर वस्ती ३६१४ मतका साथ अध्यक्षमा जितेका थिए भने कांग्रेसका चोकराज शाक्य २६८८ मतका साथ दोस्रो र माओवादीका राजेन्द्र न्यौपाने १२३७ मतका साथ तेस्रो स्थानमा थिए ।
No comments:
Post a Comment