संघको अधिवेशन स्थगित

विदुर । नुवाकोट उद्योग वाणिज्य संघको अधिवेशन स्थगित भएको छ । संघको १८ औ वार्षिक साधारण सभा तथा ११ औ अधिवेशन विशेष कारण भन्दै स्थगित गरिएको हो । शनिवार (चैत २६ गते) संघको बार्षिक साधारण सभा र अधिवेशन तोकिएको थियो । 

संघका अध्यक्ष ताराबहादुर कार्कीद्धारा जारी सूचना अनुसार अर्को सूचना नभएसम्मका लागि अधिवेशन रोकिएको हो । संघले एक स्थानीय तह निर्वाचन घोषणा भइसकेपछि आफ्नो बार्षिक साधारण सभा र अधिवेशन राखेको थियो । स्थानीय तह निर्वाचन हुने पक्कापक्की भएमा रोक्ने आन्तरिक तयारी गरेर नै नुवाकोट उद्योग बाणिज्य संघले अधिवेशनको मिति तोकिएको थियो । 

काँग्रेस निकटका ब्यवसायीहरू मात्रै कार्य समितिमा निर्वाचित भएको संघको ११ औं अधिवेशनलाई स्थानीय तह निर्वाचनका आकांक्षी उम्मेदवारहरूलाई ‘सेटल’ गराउने फोरमका रुपमा प्रयोग गराउन खोजिएको थियो । 

अब बैशाख ३० गतेको स्थानीय तह निर्वाचनमा काँग्रेसबाट उम्मेदवार हुन नसक्नेहरूलाई संघको पदाधिकारीमा ब्यवस्थापन गराउने गरी संघलाई प्रयोग गरिने बुझिएको छ ।