Sunday, April 17, 2022

पञ्चकन्या साट्ने काँग्रेसको प्रस्ताव

कविलास । नुवाकोटको पञ्चकन्या गाउँपालिकाको पद बाँडफाँड सत्ता गठबन्धका दुई दल नेपाली काँग्रेस र माओवादी केन्द्रलाई फलामको चिउरा बनेको छ । अघिल्लो स्थानीय तह निर्वाचनमा माओवादी केन्द्रबाट गाउँपालिका अध्यक्ष निर्वाचित पञ्चकन्या गठबन्धनको जिल्ला स्तरिय संयन्त्रको समेत टाउँको दुःखाई हुन थालेको छ । 

पञ्चकन्याकै कारण काँग्रेस र माओवादी बीचको गठबन्धन भत्किन सक्ने समेत अनुमान हुन थालेको छ । नेपाली काँग्रेसका प्रवक्ता डा. प्रकाशशरण महत, केन्द्रीय सदस्य तथा पुर्व अर्थमन्त्री डा. रामशरण महत, नुवाकोट काँग्रेसका सभापति रामेशकुमार महत, जिल्ला सचिव बैकुण्ठ मिश्रको गाउँपालिका भएकै कारण पञ्चकन्या गबठन्धनमा काँग्रेसले लिन चाहेको छ । माओवादी केन्द्रका बागमती सह ईञ्चार्ज तथा पुर्व मन्त्री हितबहादुर तामाङको समेत गाउँपालिका रहेको पञ्चकन्या छाड्ने मनस्थितिमा माओवादी पनि देखिएको छैन । 

यस अघि समेत एकै चुनाव भिड्दा काँग्रेसलाई पराजित गरेको माओवादी केन्द्रले अहिले अझ आफु बलियो रहेको र जितेको तह सोही पार्टीले लिने केन्द्रीय निर्णय अनुसार काँग्रेसको दावी नरहने बताइरहेको छ । तर काँग्रेसले ईज्जतकै लागि भएपनि पञ्चकन्या गाउँपालिका छाडिदिन आग्रह गरेको छ । पुर्व अर्थमन्त्री, केन्द्रीय प्रवक्ता, जिल्ला सभापति अनि जिल्ला सचिवकै गाउँपालिका ‘सजिलो’ बेलामा समेत काँग्रेसले गुमाउन नहुने दवाव काँग्रेसका नेता तथा कार्यकर्ताको छ । माओवादीले यस विषयमा छलफल हुनै नसक्ने भन्दै पन्छिरहेको छ । 

समाचार श्रोतका अनुसार काँग्रेसले पञ्चकन्यासंग अर्को गाउँपालिका साट्नका लागि मसेत माओवादीमा प्रस्ताव गरेको छ । श्रोत भन्छ – ‘पञ्चकन्या काँग्रेसलाई छाडे वापत माओवादीलाई सुर्यगढी गाउँपालिका वा दुप्चेश्वर गाउँपालिका लिन प्रस्ताव गरेको छ ।’ 

काँग्रेसका एक नेताका अनुसार काँग्रेसले जिल्ला संयन्त्रमा पञ्चकन्या नछोड्ने गरी प्रस्ताव पेश गर्दै छ । पञ्चकन्या काँग्रेसले लिए वापत माओवादीलाई ‘त्यो भन्दा बढी दिने’ तर पञ्चकन्या अनिवार्य चाहिने प्रस्ताव आज सोमवारको छलफलमा पेश हुँदैछ । अघिल्लो चुनावमा काँग्रेसले उम्मेदवार दिँदा गल्ती गरेकोले मात्रै हारेको र काँग्रेस बलियो रहेको पालिका भन्दै काँग्रेसले दावी पेश गर्ने छ । तर केन्द्रदेखि जिल्लासम्मका ‘हाइ प्रोफाइल’ भएका काँग्रेस नेताहरूको पालिका माओवादीको भागमा पार्न नसकेर नै पञ्चकन्यासित अर्को गाउँपालिका साटफेर गर्ने अवस्थामा काँग्रेस पुगेको हो ।  

No comments:

Post a Comment