 |
| विदुर नगरपालिकाको सहयोगमा एकल महिला संस्थाले किसानहरूलाई बाढेको बाख्रा । |
खरानीटार । नुवाकोटको तादी गाउँपालिका र विदुर नगरपालिकाले किसानहरूलाई बोका र बाख्रा वितरण गरेको छ ।
तादी गाँउपालिकाले २१ जना बाख्रा पालक किसानहरूलाई उन्नत जातको ब्याडको बोका ९० प्रतिशत अनुदानमा उपलब्ध गराएको छ ।
बोयर जातका ब्याडको बोका किसानहरूलाई उपलब्ध गराएको तादी गाँउपालिकाको कार्यालयले जनाएको छ । मागमा आधारित कार्यक्रम अनुसार किसानहरूको १० प्रतिशत सहभागीतामा माग भए बमोजिक २१ जना किसानहरूलाई बोयर जातको बोका उपलब्ध गराएको हो । तादी गाँउपालिकाले बाख्रा प्रबद्र्धन कार्यक्रम मार्फत पकेट क्षेत्र निर्धारण गरि किसानहरूलाई अनुदान उपलब्ध गराउदै आएको तादी गाँउपालिकाका अध्यक्ष नारायणप्रसाद पाण्डेले बताएका छन् ।
लामो समय देखि बाख्रा पाल्दै आएका किसानहरूको सुचिकरण गरि १० प्रतिशत मात्रै किसानको लागत पर्ने गरी गाँउपालिकाले ब्याडको बोका उपलब्ध गराएको हो । एकै बोकालाई १ लाख ३० हजार भन्दा बढी परेको गाँउपालिकाले जनाएको छ । ५० किलो भन्दा माथिको ९३ प्रतिशतका बोयर जातका ब्याडका बोकाहरू उपलब्ध गराएको पशु बिकास शाखाले जनाएको छ ।
यस्तै, विदुर नगरपालिका निम्न आय स्तर भएका एकल महिलाहरूलाई उन्नत जातको बाख्राको पाठी वितरण भएको छ । विदुर नगरपालिकाको सहयोगमा मानव अधिकारको लागि महिला एकल महिला संस्थाको आयोजनामा भएको कार्यक्रमको बीच बाख्राको पाठी वितरण गरिएको हो ।
गरिवीको रेखामुनी रहेका एकल महिलाहरूको आर्थिक स्थिति सुधार गर्ने उद्देश्यको साथ ४ देखि ६ महिनासम्मका पाठीहरू वितरण गरिएको छ । नगरभित्रको १३ वटै वडाका एकएक जना छनौट गरेर बाख्राको पाठी वितरण गरिएको हो ।
No comments:
Post a Comment