विदुर । रसुवाको उत्तरगया गाँउपालिका एक तीरु तथा गोगने गाँउका सयौं विस्थापित परिवालाई तीरुमा एकीकृत बस्ती निर्माण गर्ने काम सुरु गरिएको छ ।
२०७२ सालको भुकम्पबाट विस्थापीत परिवारलाई सात वर्षपछि सोहि ठाँउको तीरुमा एकीकृत बस्तीमा आवास निर्माणको काम सुरु गरिएको हो । सत्तरी रोपनी जमीन अधिग्रहणगरि १०६ घर परिवारका लागि दुई कोठे भुकम्प प्रतिरोधात्मक अवास निर्माण भई रहेको छ । काधुरी संस्थाले निमार्ण गरि रहेको एकीकृत बस्तीमा प्रत्येक घरबाट एक जना श्रमदानमा जुटेका छन् भने आवश्यक अन्य खर्च संस्थाले नै बेहोरेको छ ।
अहिलेसम्म ५१ घर निर्माण भई सकेको छ भने बाँकी घर आगमी मंसिरसम्ममा सम्पन्न गरिने गरि संस्थाले काम गरिरहेको उत्तरगया गाँउपालिका वडा नम्बर–१ का वडा अध्यक्ष बमबहादुर तामाङले बताएका छन् ।
एकीकृत बस्ती निर्माणका लागि आवश्यक निर्माण समाग्री ढुवानी गर्न संसद विकास कोष प्रदेश सरकार तथा गाँउपालिकाले गरेको आर्थिक सहयोगबाट ७.५ किलोमिटर कच्ची सडक निर्माण गरि गाँउमा सडकको पहुँच पुर्याई सकिएको छ । विद्युत खानेपानी स्वस्थ्य तथा बालबालिका अध्ययनका लागि विद्यालको समेत व्यवस्था गाँउपालिकाले गरिरहेको गाँउपालिकाका अध्यक्ष उपेन्द्र लम्सालको भनाइ छ ।
No comments:
Post a Comment