चुनाव केन्द्रित योजना सम्झौता

समुन्द्रटार । नेकपा एमाले दुप्चेश्वर गाउँपालिका कमिटिले गाउँपालिकाले पछिल्लो समय श्रोत सुनिश्चित नभएका योजनाहरूको सम्झौता भएको भन्दै आपत्ति जनाएको छ । 

अध्यक्ष मइतबहादुर तामाङद्धारा जारी गरिएको प्रेस बिज्ञप्ती अनुसार स्थानीय तह निर्वाचन लक्षित गर्दै आपतकालिन योजनाहरूमा समेत दीर्घकालिन असर पर्ने गरी काम भइरहेको आरोप लगाइएको छ । 

चुनवाकै लागि जनता फकाउन योजनाहरूको सम्झौता भएको र त्यसको भुक्तानी गाउँपालिकाले गर्न सक्ने अवस्था नभएको उनले बताएका छन् । उनले विज्ञप्ती मार्फत् त्यस्ता योजनाको भुक्तानी जनप्रतिनिधि स्वयंम्ले गर्नुपर्ने दावी गरेका छन् । सम्झौता भएका काम रोक्न एमालेको आग्रह छ ।