विदुर । नेपाली कांग्रेस नुवाकोटले गत हप्ता बसेको नियमित बैठकले स्थानीय तह चुनावमा पार्टीको सर्कुलर कार्यान्वयन नभए-नभएको अनुगमन गर्नका लागि जिल्ला अनुशासन समिति गठन गरेको छ । साथै जिल्ला समितिमा तीन जनालाई मनोनित समेत गरेको छ ।
जिल्ला सचिव श्रीराम श्रेष्ठको संयोजकत्वमा तीन सदस्यीय जिल्ला अनुशासन समिति गठन गरेको छ ।
काँग्रेस जिल्ला कार्यसमिति बैठकले नेपाली कांग्रेसको विधानमा भएको व्यवस्था अनुसार श्रेष्ठको संयोजकत्वमा जिल्ला अनुशासन समिति गठन गरेको हो । श्रेष्ठको संयोजकत्वमा गठित अनुशासन समितिमा नवराज घिमिरे र सीता तामाङ सदस्य छन् ।
पार्टीको उम्मेदवारले कुनै सदस्य वा पार्टीको निकायले प्रत्यक्ष वा परोक्ष रुपमा पार्टी वा उम्मेदवारका हित विपरित काम गरेको, निष्कृय बसेको वा अन्य उम्मेदवारलाई सहयोग हुने कार्य गरेको देखिएमा जिल्ला अनुशासन समितिले त्यस्ता सदस्यलाई तत्काल सम्झाउने, चेतावनी दिने, नमानेमा सदस्यता निलम्वन गरि सोको जानकारी प्रदेश र केन्द्रीय अनुशासन समितिलाई दिने वैधानिक व्यवस्था छ ।
यस्तै बैठकले ३ जना जिल्ला कार्य समिति सदस्य मनोनित गरेको छ । मनोनित हुनेहरूमा पञ्चकन्या गाउँपालिका वडा नम्बर ३ का कृष्ण मिश्र, विदुर नगरपालिका वडा नम्बर ३ का बद्रिप्रसाद रिमाल र म्यागङ गाउँपालिका वडा नम्बर ३ का गणेश तामाङ छन् ।
No comments:
Post a Comment