केसी सशस्त्रको महानिरीक्षक

विदुर ।सशस्त्र प्रहरी बलको महानिरीक्षकमा नुवाकोटको शिवपुरी गाउँपालिकाका पुष्पराम केसीलाई नियुक्त गरेको छ । चैत २८ बाट महानिरीक्षक शैलेन्द्र खनालले अवकाश पाएपछि रिक्त पदमा केसी नियुक्त भएका हुन् । 

गएको बुधबार बसेको मन्त्रिपरिषद् बैठकले वरिष्ठ एआईजी केसीलाई महानिरीक्षकमा नियुक्त गर्ने निर्णय गरेको हो । खनालको अवकाशपछि निमित्त महानिरीक्षक पनि केसी नै भए । प्रतिस्पर्धामा नुवाकोटकै रामशरण पौडेल रहेपनि उनले महानिरीक्षकमा राजनीतिक दौड गरेनन् । 

अतिरिक्त महानिरीक्षक (एआईजी) पुष्पराम केसी वरीयतामा अगाडी थिए । उनी नेपाल प्रहरीमा २०४९ वैशाख १९ मा इन्स्पेक्टरमा भर्ना भएर पछि सशस्त्र प्रहरीमा प्रवेश गरेका हुन् । केसी कार्य तथा सीमा सुरक्षा विभागको प्रमुख थिए । उनले  २०७९ वैशाख १८ गते अर्थात अबको १४ दिनपछि अवकाश पाउँदैछन् ।