करारको विकल्प करार ?
स्थानीय सरकारले करारका कर्मचारीको समय नथप्ने निणय गरेसँगै नुवाकोटको तिन स्थानीय तहमा कर्मचारी अभाब भएको छ । साउन १ गतेदेखि करारका कर्मचारीलाई हाजिर नहुन परिपत्र गरेसँगै कर्मचारी हाजिर भएका छैनन् । कर्मचारी अभाबमा पालिकाले दिने सेवा समेत प्रभाबित भएको छ । वैशाख ३० मा सम्पन्न स्थानीय तहका निर्बाचनमा विदुर र बेल्कोटगढी नगरपालिका र तारकेश्वर गाँउपालिकाा एमालेलाई पराजित गर्न सक्ता घटक दलहरू बिचमा गठबन्धन भएको थियो । सम्पन्न स्थानीय तहको निर्बाचनमा गठबन्धनका प्रमुख÷उपप्रमुख निर्वाचित भएपछि पूर्ववर्ती जनप्रतिनिधिले करारमा राखेका कर्मचारी र जिल्ला समन्वय समितिबाट आएका कर्मचारीलाई हटाएर पुनः करारमा कर्मचारी नियक्ति गर्ने मनासायले करारका कर्मचारीहरूको समयाबधि नथपे पछी पालिकाले प्रभाब गर्ने सेवा प्रभाबित भएसँगै करारका कर्मचारीहरू समेत आन्दोलित भएका छन् । विदुर नगरपालिकाले एक सय ४३, बेलकोटगढी नगरपालिकाले ४०, तारकेश्वर गाउपालिकाले ४२ जना करारका कर्मचारीको समयाबधि नथप्ने सूचना निकालेको हो ।
यस्तै, दुप्चेश्वर गाँउपालिकाले सूचना जारी गरेर करारका कर्मचारीको समय नथप्ने जनाएपनि कर्मचारीको बिरोधका कारण तिन महिना समय थप गरि काममा खटाएको छ । उता बेलकोटगढी नगरपालिका र तारकेश्वर गाँउपालिकाले कार्यपालिका बैठकबाटै निर्णय गराएर करारका कर्मचारीको समय थप नगर्ने सूचना प्रकाशन गरे पनि विदुर नगरपालिकाले भने कार्यपालिकामा करारका कर्मचारीको सम्बन्धनमा कुनै निर्णयनै नगराई वडा कार्यालय, सामाजिक सुरक्षा तथा पञ्जिकरण कार्यक्रम, प्रधानमन्त्रि रोजगार, स्वास्थ्य संस्था एवं सामी परियोजनामा कार्यरत कर्मचारी मध्ये हाललाई वडा कार्यालयमा करारमा कार्यरत वडासचिव, स्वास्थ्य सस्थामा कार्यरर्त स्वास्थ्यकर्मी, सामाजिक सुरक्षा तथा पञ्जीकरणमा कार्यरत करार कमचारी, सवारी चालकमा (हलुका तथा हेभिमा कार्यरत कर्मचारी बाहेक अन्य सबै करारमा नियुक्ति लिएका कर्मचारीलाई अर्को सूचना नभएसम्म हाजिर नगराउन सूचना जारी गरेको हो । साउन १ गतेदेखि करारका कमचारीलाइ हाजिर नगराउदा विदुर नगरपालिकाको कृषि, भेटेनरी, उद्ययोग र बिपद् शाखा, विदुर ५ देबिघाट र विदुर ७ तुप्चेमा रहेका कृषि र भेटेरेनरी सेवा केन्द्र बन्द भएका छन् । नगरपालिकामा रहेका स्थायी २५–२६ जना कर्मचारीलाई दैनिक कार्य सञ्चालन गर्न भ्याई –नभ्याई र सकस भइरहेको छ । विदुरले नगर प्रहरी १७, सवारीचालक १२, सामाजिक परिचालक १२, लघुउद्यम सहजकता दुई, सामी परियोजनाको ९, कार्यालय सहयोगी २५, स्वास्थ्य क्षेत्रका ३२ जनाको करार अवधि नथप्ने सूचना जारी गरेको छ ।
विदुरको वडा नम्बर १, २, ४, ६ र ११ का वडाध्यक्ष र कार्यपालिकाका बहुमत सदस्यले विज्ञप्ती प्रकाशित गरेर प्रमुख प्रशासकीय अधिकृतलाई करार कर्मचारीको म्याद थप गर्न र उक्त प्रस्ताब नगरकार्यपालिकाको बोर्डमा ल्याउन हस्ताक्षर सहित दबाब दिइएका छन् । कर्मचारी हटाएको विरोधमा नेपाल निजामती कमचारी सङ्गठन, जिल्ला कार्यसमिति नुवाकोटले विज्ञप्ती प्रकाशित गरेर अविलम्ब पेशागत मर्यादा कायम राखी सेवा प्रवाहमा निरन्तरता दिन माग गरेको छ । अनि विदुर नगरपालिकाका निवर्तमान मेयर सञ्जु पण्डितले पत्रकार सम्मेलन गरेर राजनीतिक प्रतिशोध राखी कर्मचारी हटाउने कार्य न्यायसम्मत नभएको बताएका छन् ।
कर्मचारीहरूनै नेपाल सरकार सङ्घीय मामिला मन्त्रालय र विदुर नगरपालिकाको संयुक्त प्रयासमा विदुर नगरपालिका कर्मचारी व्यवस्थापनसम्बन्धी सङगठन तथा व्यवस्थापन स्विकृत गरि गरी करारमा कर्मचारी राखिएकाले कर्मचारी हटाउँदा नगरपालिका र राज्यको ठुलो श्रोतको दुरुपयोग हुने बताउँछन् । त्यसो त अहिले करारमा रहेका कर्मचारी सबैलाई हटाएर स्थायी प्रकृयाबाट कर्मचारीको ब्यबस्थापन गरेमा कसैको पनी बिरोध नहुने तर पुनः करारमानै कर्मचारी नियुक्त गर्नु गठबन्धनको कार्यकर्ता भर्ती गर्ने उद्देश्य रहेकाले नगरपालिकालाई राजनीतिक अखडा बनाउन लागेको प्रष्ट छ । त्यो त, करारका कर्मचारी हटाएर पुनः करारमै कर्मचारी भर्ना गर्ने तयारी गर्नुले के सन्देश देला त ! यसरी कुनै दल विशेष अनुसार हरेक पाँच वर्षमा कर्मचारी मात्रै भर्ना गर्ने थलोको रुपमा स्थानीय तह विकास भयो भने अन्य विकास निर्माणका कामले कसरी गती लिन सक्ला र समृद्ध स्थानीय तहको कल्पना गर्न सकिएला ?
No comments:
Post a Comment