विदुर । जिल्ला प्रहरी कार्यालले नुवाकोटले छुट्टाछुट्टै दुई घटनामा दोषी ठहर भएका अभियुक्तहरूलाई लामो समयपछि पक्राउ गरेर कारागार पठाएको छ ।
मानव बेचविखन तथा ओसारपसार मुद्दामा फैसला भई २९ वर्षदेखि फरार रहेका नुवाकोटका एक अभियुक्त पक्राउ परेका छन् ।
दुप्चेश्वर गाउँपालिका–७ का ५६ वर्षीय ध्रुव नेपाली पक्राउ परेको प्रहरीले जनाएको छ । उनलाई मानव बेचविखन तथा ओसारपसार मुद्दामा नुवाकोट अदालतले २०५० साल पुस १९ गते २ वर्ष ६ महिना कैदको फैसला गरेको थियो । उनलाई पक्राउ गरी फैसला कार्यान्वयन अन्तर्गत जिल्ला कारागार कार्यालय चलान गरिएको छ ।
यसै बीच, सवारी ज्यान मुद्दामा १ महिना कैद फैसला भई फरार रहेका पञ्चकन्या गाउँपालिका–३ का ३९ वर्षीय रामकुमार भण्डारीलाई पक्राउ गरी कारागार चलान गरिएको छ । नुवाकोट अदालतले उनलाई एक महिना कैद हुने फैसला गरेपछि फरार थिए ।
No comments:
Post a Comment