चाकेते । बैशाख ३० गते सम्पन्न भएको स्थानीय तह निर्बाचनमा काँग्रेसको उम्मेद्धवारलाई हराउन लागी परेको भन्दै सुर्यगढी गाँउ समितिको बैठकले पालिका सभापति सहित १ दर्जन नेताहरूलाई कारबाही गरेको छ ।
सम्पन्न स्थानीय तह निर्बाचनमा काँग्रेसको तर्फबाट गाँउपालिका अध्यक्ष पदका उम्मेदवार सन्तबहादुर घलेलाई हराउन खुलेआम रुपमा पालिका सभापति शंकरबहादुर प्याकुरेल सहितको समुह लागिपरेको आरोप रहेको छ । निर्बाचनको बुथबुथमा पुगेर पैसा बाढ्ने काँग्रेसकै कार्यकर्ता तथा मतदाताहरूलाई प्रभाबमा राख्दै काँग्रेस उम्मेद्धवारलाई मत नदिन आग्रह गर्ने लगायतको आधार प्रमाणित भएसँगै उपसभापतिको अध्यक्षतामा बसेको बैठकले कारबाही गरेको हो ।
गाउँपालिकाका उप–सभापति कालु तामाङको नेतृत्वमा वसेको बैठकले निर्वाचनमा आफ्नो पार्टीको उम्मेदवारलाई हराउन लागेको भन्दै गाउँपालिकाका सभापति शंकर प्याकुरेल, उप–सभापति रामकुमार गिरी, सचिव शंकरशन अधिकारी र सह–सचिव प्रकाश भट्टराईलाई कारवाही गर्ने निर्णय गरेको नेपाली कांग्रेस सुर्यगढी गाउँपालिकाका सचिव बासु लम्सालले जानकारी दिए ।
यस्तै कारवाहीमा पर्ने अन्यमा तरुण दल नुवाकोटका सचिव सुवन गिरी, सुर्यगढी–काठमाडौं सम्पर्क समितिका सभापति दिपेन्द्र गिरी, नुवाकोट क्षेत्र नम्बर १ का क्षेत्रिय सदस्य ईन्द्रप्रसाद लामिछाने, नुवाकोट क्षेत्र नम्बर १ को प्रदेश (ख) सह–सचिव सचिन्द्र कुमार अधिकारी र चतुमन अधिकारी रहेका छन् ।
उनीहरूलाई कारवाहीको लागि वडाबाटै सिफारिस आएकोले कारवाहीको निर्णय गरी माथिल्लो निकायमा सिफारिस गरिएको हो । सुर्यगढी गाँउपालिकामा वडातहबाटनै काँग्रेस उम्मेदवार हराउने अभियानमा लागेका पालिका सभापती शंकरबहादुर प्याकुरेल सहितको समुहलाई कारबाहीको लागी वडा तहबाटनै सिफरिस भएर आएको थियो । वडातहकै सिफारिसको आधारमा पालिका काँग्रेस उपसभापतिको अध्यक्षतामा बसेको बैठकले कारबाही गरेको हो ।
सम्पन्न स्थानीय तहको निर्बाचनमा मनोनयन दर्ता क्रमदेखिनै काँग्रेस उम्मेदवार सन्तबहादुर घलेलाई पालिका सभापति प्याकुरेल सहितको समुहले असहयोग गर्दै आएको थियो । पालिका अध्यक्षमा काँग्रेसकै घले निर्बाचित भएता पनी अरु पार्टीसँग भोटको साँठगाँठ गरी घलेलाई हराउन उनीहरू लागेको आधार समेत प्रमाणित भएको छ ।
मतदाताहरूलाई घले बिरुद्ध मत जाहेर गर्न पैसा बाँढेको, पैसा र पहुचको आधारमा सन्तबहादुर घले हराउ अभियान सञ्चालन गरेको लगायतका आधारहरू प्रमाणित भएकाले पार्टिले कारबाही गरेको उपसभापति कालु तामाङले जानकारी दिएका छन् ।
आफ्नै पार्टिका उम्मेदवारलाई हराउन खोज्नेहरू गाँउमा अझै सक्रिय रहेको र अरु पार्टीबाट जितेमा जनप्रतिनिधिहरू परिचालन गरी पालिका अध्यक्ष घले बिरुद्ध लगाएको आरोप समेत लागेको छ । गाँउको बिकासमा अहोरात्र खटिदै आएका पालिका अध्यक्ष घलेको यो दोश्रो कार्यकाल हो ।
No comments:
Post a Comment