त्रिशुली । निक साइमन्स इन्स्टिच्युट अर्थात् एनएसआई मार्फत नुवाकोटको त्रिशूली अस्पतालका लागि अब हरेक वर्ष दुई करोड ४० लाख रुपैयाँ हाराहारी लगानीको दक्ष जनशक्ति र उपकरण सहयोग हुने भएको छ ।
निक साइमन्स इन्स्टिच्युटले त्रिशूली अस्पताललाई आफ्नो हब अस्पतालको रूपमा सेवा उपलब्ध गराउन सङ्घीय सरकार अन्तर्गतको स्वास्थ्य मन्त्रालय बीच सम्झौता भएसँगै आधिकारिक रूपमा सहयोग साझेदारी सुरु भएको त्रिशूली अस्पतालका मेडिकल सुपरिटेन्डेन्ट डा. दीपेन्द्र पाण्डेले जानकारी दिए ।
उनका अनुसार निरन्तर दुई वर्षको प्रयासको उपलब्धिको रूपमा ‘निक साइमन्स इन्स्टिच्युट’ले देशभरका दुईवटा अस्पताल छनोटको क्रममा गण्डकी प्रदेशको गोरखा अस्पताल र बागमती प्रदेशमा नुवाकोटको त्रिशूली अस्पताल हब अस्पतालको रूपमा छनोट भएको हो । ‘निक साइमन्स इन्स्टिच्युट’बाट हब अस्पतालको रूपमा छनोट भएपछि अब उनीहरूकै खर्चमा त्रिशूली अस्पताललाई आवश्यक पर्ने विशेषज्ञ चिकित्सकलाई प्राथमिकता दिएर आवश्यक पर्ने मेडिकल अधिकृत, नर्ससहितको प्राविधिक जनशक्तिसहित आधुनिक उपकरण समेत उपलब्ध गराई निरन्तर सञ्चालनका लागि सहयोग प्राप्त हुने भएको छ ।
नेपालको ग्रामीण क्षेत्रमा रहेका त्रिशूली अस्पताललाई वार्षिक दई करोड ४० लाख सहयोग स्वास्थ्य संस्थामा जनशक्ति उपलब्ध गराउने, भएका जनशक्तिलाई समयअनुकूल तालिम प्रदान गर्ने र सेवा प्रवाहका लागि चाहिने आवश्यक उपकरणका समेत प्रबन्ध मिलाउने छ ।
त्रिशूली अस्पतालका लागि विशेषज्ञ चिकित्सक पाउन मुस्किल भइरहेको समयमा अहिले आवश्यकता अनुसार उपलब्ध गराइएको छ ।
No comments:
Post a Comment