रातमाटे । एमसिए–नेपालले नुवाकोटको बेलकोटगढी नगरपालिकास्थित रातमाटेमा निर्माण गर्न लागेको सब–स्टेशनबाट प्रभावित स्थानीय वासिन्दाका लागि जीविकोपार्जन पुनःस्थापन कार्यक्रमको थालनी गरेको छ । एमसिए–नेपालका परामर्शदातृ संस्था सप्रोस नेपालद्वारा कार्यक्रमको समग्र ढाँचा एवं कार्यान्वयन तथा व्यवस्थापन योजनामा केन्द्रित कार्यशालाको आयोजना गर्दै उक्त कार्यक्रमलाई कार्यान्वयनमा लगेको हो ।
एमसीसी अनुदान परिचालन गरी निर्माण गर्न लागिएको उक्त रातमाटे सब–स्टेशन एमसिए–नेपालको विद्युत् प्रसारण आयोजनाको एक महत्वपूर्ण अंश हो । हाल उक्त आयोजना पूर्वतयारीको चरणमा रहेको छ ।सब–स्टेशन निर्माण क्षेत्रबाट भौतिक रूपमा विस्थापित भएका स्थानीय वासिन्दाको जीविकोपार्जन स्तरमा सुधार गर्नका लागि एमसिए–नेपालले अन्तरराष्ट्रिय मापदण्ड अनुसरण गर्दै पुनर्वास कार्ययोजना तयार गरेको छ । हाल कार्यान्वयनमा लगिएको जीविकोपार्जन पुनःस्थापन कार्यक्रम सोही कार्ययोजनाको एक अभिन्न अङ्ग हो ।
No comments:
Post a Comment