विदुर । रसुवागढी जलविद्युत कम्पनी लिमिटेडले आयोजना प्रभावित स्थानीय बासिन्दाको लागि जारी गरेको आईपीयो नेपाल स्टक एक्चेन्ज (नेप्से) मा सूचीकृत भएपछि बिक्री वितरण गर्न पाइने भएको छ ।
असार २१ गते जिल्ला समन्वय समिति, रसुवामा सर्वपक्षिय बैंठकबाट स्थानीयको शेयर ३ वर्षसम्म बेच्न नपाउने व्यवस्थालाई हटाउन आयोजना तथा सम्बन्धित निकायलाई अनुरोध गरेका थिए । त्यस निर्णयलाई स्वीकृत गर्दै कम्पनीका अनुसार नेप्सेमा सूचीकृत भएर शेयरधनीको डिम्याट खातामा आएपछि बिक्री गर्न पाउने निर्णय भएको छ । अब स्थानीयको शेयर ३ वर्षसम्म रोक्का नहुने भएको छ ।
सर्वसाधारणका लागि शेयर निष्कासन गरेर बाँडफाँड गरेको ३ वर्ष भएकाले स्थानीयका लागि जारी भएको शेयर ३ वर्ष रोक्का हुने प्रावधान हटाउन सकिने नेपाल धितो पत्र बोर्डले जनाएको छ । यसका लागि कम्पनीले आवश्यक प्रक्रिया पूरा गरेर नेप्सेमा सूचीकृत गरी शेयरधनीको डिम्याट खातामा प्रविष्ट गराएर बेचबिखन गर्न व्यवस्था मिलाउने कम्पनीका सचिव नरनाथ न्यौपानेले बताए ।
निष्कासन भएको शेयर बिक्री वितरण गर्ने अवधि समाप्त भएपछि बढीमा १ महिनाभित्रमा बाँडफाँड सम्पन्न गरी त्यसको ३५ दिन भित्रमा सूचिकृत गर्न सकिने कम्पनीका सचिव न्यौपानेले बताए ।
No comments:
Post a Comment