विदुर । पछिल्लो समय तरकारी तथा अन्नबालीमा रोगकीरा नियन्त्रणका लागि राखिने विषादीका कारण मानव तथा जीवजन्तुको स्वास्थ्यमा व्यापक असर पु¥याइरहेको छ । पहाडी संरचना भएको नुवाकोटका खेतबारीमा रासायनिक विषादी मिसाइँदा त्यसले मानव स्वास्थ्यमा नकारात्मक असर पु¥याएको हो ।
तरकारी तथा अन्नबालीमा लागेका रोगकीरा नियन्त्रण र व्यवस्थापन उचित ढंगबाट हुन नसक्दा यसले मानव तथा जीवजन्तुको स्वास्थ्यलाई व्यापक असर गरिरहेको चिकित्सकको ठहर छ ।
कृषि व्यावसायीकरण बढेसँगै विषादीको प्रयोग समेत बढ्दा मस्तिष्क तथा पक्षघात लगायत रोगले मानवीय जीवन नै बर्बाद बनाइरहेको ठहर छ । तरकारी तथा अन्नबालीमा राखिने विषादी औषधि होइन, विष हो भन्ने थाहा नहुँदा सर्वसाधारणले देखासिकी गरी विषादी प्रयोग गर्ने गरेको पाइएको छ ।
उनले तरकारी तथा अन्नबालीमा राखिने विषादीले किसान, बिक्रीकर्ता, भरिया तथा उपभोक्ता क्यान्सर रोगबाट पीडित भएको र यसको उपचारमा कमाइभन्दा दश गुणा बढी खर्च हुने गरेको बताए । नुवाकोटका ७० प्रतिशत तरकारी तथा अन्नबालीमा विषादी राखिने गरेको पाइएको कृषि ज्ञान केन्द्र नुवाकोटले जनाएको छ ।
कार्यालयका प्रमुख केशब खनालले देखासिकीले रोग नियन्त्रणका नाममा तरकारी तथा अन्नबालीमा विषादीको प्रयोग बढिरहेको र यसको प्रत्यक्ष असर आम उपभोक्तामा परेको बताएका छन् । मानव तथा जीवको जीवन रक्षा र विषादीको न्यूनीकरणका लागि जैविक तथा प्रांगारिक खेती गरिनुपर्ने उपभोक्ता हित संरक्षण मञ्च नुवाकोटका अध्यक्ष ईन्द्रबहादुर पण्डितले बताए ।
No comments:
Post a Comment