पिपल्टार । विदुर नगरपालिका वडा नं. ५ मा समुन्नत बाल क्लब गठन भएको छ । वडाका बालबालिकाहरूको भेलाले सामजिक गतिविधि सञ्चालन गर्न र आफ्ना क्षमता विकासका लागि स्वस्तफुर्त रुपमा क्लव गठन गरेका हुन् ।
क्लबको अध्यक्षमा बविता श्रेष्ठ, उपाध्यक्षमा सन्देश कुमाल, सचिवमा युनिसा थापामगर र कोषाध्यक्ष रमित भट्ट छन् । त्यस्तै सदस्यहरूमा शसिना केसी, मनोज कुमाल, सोनिश दाहाल, सुस्मिता पोखरेल र गायत्री प्याकुरेल छन् । उनीहरूको क्लबले मासिक बचत, टोल सरसफाई, बालबालिकाको क्षमता विकासका लागि अन्य कार्यक्रमहरू तथा भित्तेपत्रिका प्रकाशन लगायतका रचनात्मक कार्य गर्ने बताइएको छ ।
५ नं. वडा कार्यालयमा भएको बालबालिकाहरूको भेलालाई सम्वोधन गर्दै वडा नं. ५ का अध्यक्ष लिलानाथ न्यौपानेले स्थानीय सरकारले बालबालिकाहरूसंग समेत सहकार्य गर्नुपर्ने र उनीहरू मार्फत् समेत सामाजिक विकासका कामहरू गर्नुपर्ने भएकोले आफ्नो प्राथमिकतामा बालबालिका र यस्ता बाल क्लबहरू पर्ने बताए । साथै उनले बाल क्लबलाई कार्यक्रम सञ्चालन गर्न हौसला स्वरुप नगद तीन हजार रुपैयाँ हस्तान्तरण गरे । सोही कार्यक्रममा च्वाडी पब्लिक माध्यमिक विद्यालय व्यवस्थापन समितिका पुर्व अध्यक्ष लक्ष्मण श्रेष्ठले बाल क्लबलाई २ हजार ५ सय रुपैयाँ हस्तान्तरण गरेका थिए ।
कार्यक्रममा विदुर नगरपालिकाका वरिष्ठ कार्यक्रम अधिकृत पुष्कर शर्मा रिमाल, वडा नम्बर ५ का सदस्य होमबहादुर कुमाल, नेपाल पत्रकार महासंघ नुवाकोटका अध्यक्ष कपिलदेव खनाल, सामाजिक अभियन्ता शर्मिला थापा मगर, समाजसेवी रामहरि घिमिरे, शिक्षक प्रतिनिधि गिता बस्नेत लगायतको सभागिता थियो ।
वडा स्तरिय उक्त समुन्नत बाल क्लब ले भदौ २९ गते राष्ट्रिय बाल दिवसको अवसरमा वतृत्वकला प्रतियोगिता सञ्चालन गर्ने भएको छ । ‘मेरो अधिकार र कर्तव्य’ विषयमा वडा कार्यालयमा प्रतियेगिता सञ्चालन हुने क्लबका बयस्क सहजकर्तामा शर्मिला थापा मगरले जानकारी दिए ।
No comments:
Post a Comment