शुक्रवार र शनिवार बेलकोटगढी नगरपालिकाको केन्द्र बाघखोरमा आयोजित दुई दिने प्रशिक्षण कार्यक्रममा अखिल क्रान्तिकारीका जिल्लाभरका नेता तथा विद्यार्थीहरूको सहभागिता रहेको थियो । प्रशिक्षण कार्यक्रममा विद्यार्थी राजनीतिदेखि सञ्चारमाध्यमको उपयोगितासम्मको ज्ञान सीप प्रदान गरिएको अखिल क्रान्तिकारी नुवाकोट जिल्ला अध्यक्ष निराज बोगटीले जानकारी दिएका छन् ।
सहभागी विद्यार्थीहरूलाई नेकपा माओवादी केन्द्रका केन्द्रीय सदस्य उत्तम अधिकारी, बाग्मती प्रदशे सदस्य केशव पुडासैनी, सुर्यगढी क्याम्पसका प्रमुख शिवबहादुर भण्डारी, अखिल क्रान्तिकारीका पुर्व केन्द्रीय सदस्य नारायण नेपाल, शिक्षक तथा वुद्धिजिवी ज्वालामुखी लामिछाने, प्रेस सेन्टरका बाग्मती उपाध्यक्ष कपिलदेव खनाल लगायतले प्रशिक्षण दिएका छन् । प्रशिक्षण कार्यक्रमको समापन समारोहमा नेता लेखनाथ न्यौपानेको उपस्थिति रहेको थियो ।
No comments:
Post a Comment