विदुर । नुवाकोटमा स्थापना भई बागमती प्रदेश कार्यक्षेत्र रहेको सामुदायिक विकास बहुउद्देश्यीय सहकारी संस्था लिमिटेडको दोश्रो वार्षिक साधारण सभा शनिबार सम्पन्न भएको छ ।
संस्थाका अध्यक्ष विष्णुराज नेपालको सभापतिमा सम्पन दोश्रो साधारण सभामा प्रमुख अतिथि स्वास्थ्य राज्यमन्त्री कल्पना नेपालीले कार्यक्रमको उद्घाटन गदै सहकारीले जिल्लामा रहेका निष्किृय पुजीँलाई परिचालन गर्दै जिल्लाका युवाको रोजगार बृद्धि, कृषिमा लगानी, व्यापार व्यवसायलाई यस सहकारीले महत्वपूण भुमिका खेल्नुपर्ने बताएका छन् ।
जिल्ला समन्वय समितिका उप प्रमुख दलबहादुर तामाङले सहकारीले गरिव निमुखाहरूको जिवनस्तरमा सुधार हुने, रोजगारीमा बृद्धि हुने र सहकारीको मर्म र भावना अनुसार कार्य गदै लैजानुपर्ने बताए ।
बेलकोटगढी नगरपालिका उपप्रमुख तथा यस संस्थाका संस्थापक शेयर सदस्य शिवप्रसाद दहालले यस सहकारीले बचत तथा ऋणमा मात्र कारोबार नगरी अन्य विभिन्न क्षेत्रहरू जसमा शुलभ पसल, व्यवसाय, कृषिमा पनि लगानी गर्दै लानुपर्नेमा जोड दिएका छन् ।
सहकारीका अध्यक्ष विष्णुराज नेपालले आव २०७८।७९ को प्रगति आय र व्याय प्रस्तुत गरेका थिए । १८० जना शेयर सदस्य रहेको सो सहकारीको कुल शेयर पुँजी रकम एक करोड ६३ लाख ४४ हजार छ । सहकारीले ३९ जना शेयर सदस्यलाई एक करोड ८५ लाख ऋण लगानी गरेको छ ।
सहकारीको अघिल्लो वर्ष ५९ हजार नाफा गरेको छ । सहकारी संस्थाका शेयर सदस्यलाई स्वरोजगार उन्नमुख, आर्थिक उपार्जन, जीविकोपार्जनलाई प्रशय दिनकोलागि विभिन्न नीति र कार्यक्रम समेत सभामा प्रस्तुत भएको छ । स्थानीय स्तरमा उत्पादन हुने विभिन्न किसिमका वस्तुहरूको आधुनिकरण गदै व्यवसाय प्रवद्र्धन गर्नको लागि शेयर सदस्यलाई व्यवसायिक प्रस्ताव माग गरिएको र विभिन्न निकायसँग समन्वय र सहकार्य गर्दै प्रदेशस्तरसम्म सदस्यहरूको उत्पादनलाई पु-याइने बताइएको छ ।
सो अवसरमा स्थानीय तह निर्वाचनमा संस्थापक शेयर सदस्यहरू मध्येबाट विभिन्न पदमा निर्वाचितलाई सम्मान समेत गरेको छ । बेलकोटगढी नगरपालिकामा निर्वाचित उपप्रमुख शिवप्रसाद दहाल, तारकेश्वर गाउँपालिका वडा नंं ३ मा निर्वाचित वडा अध्यक्ष सुर्यमान श्रेष्ठ, जिल्ला समन्वय समिति नुवाकोटमा सदस्य पद निर्वाचित सम्झना सेँढाई, लिखु गाउँपालिका वडा नं. ३ मा वडा सदस्य निर्वाचित अमृतमान गुरुवाचार्य र लिखु गाउँपालिका वडा नंं. १ मा वडा सदस्य निर्वाचित माधवप्रसाद लामिछानेलाई सहकारीले सम्मान गरेको हो ।
No comments:
Post a Comment