विदुर । नेकपा एमाले बागमती प्रदेश कमिटीमा नुवाकोटबाट प्रतिनिधित्व गर्ने सदस्यहरूलाई नुवाकोटमा भौगोलिक जिम्मेवारी तोकेको छ ।
प्रतिनिधिसभा र प्रदेशसभाको निर्वाचन मंसिर ४ का लागि उत्कृष्ठ नतिजा ल्याउन जिम्मेवारी दिइएको बताइएको छ ।
प्रदेश अध्यक्ष केशवराज पाण्डेले परिपत्र २२ जारी गर्दै संगठन कमिटीका सदस्यहरूको भौगोलिक जिम्मेवारीको जानकारी गराएको एक नेताले जानकारी दिएका छन् । नुवाकोटबाट प्रदेश संगठन कमिटीमा प्रतिनिधित्व गर्ने ३१ जना सदस्य मध्ये ३० जना सदस्यका लागि भूगोलको जिम्मेवारी तोकिएको हो ।
प्रदेश कमिटीका पदेन सदस्य बद्री मैनाली र सदस्य पूर्णलाल श्रेष्ठले सिंगो पालिका हेर्ने जिम्मेवारी पाएका छन् भने बाँकीले १० वटा पालिकामा वडास्तरमा जिम्मेवारी पाएका छन् । नेताहरूले दुई वटा वडादेखि पाँच वटा वडासम्मको जिम्मेवारी पाएका छन् ।
No comments:
Post a Comment