जिल्ला खेलकुद विकास समिति नुवाकोटको आयोजनामा भएको कार्यक्रममा १३३ जना खेलाडीको विदाई गरिएको छ । नुवाकोटबाट ८ विधामा छानिएका १०४ जना र बागमती प्रदेशले नुवाकोटबाट ६ विधामा छानेको २९ खेलाडीको विदाई गरिएको समितिका अध्यक्ष सन्तोष राईले जानकारी दिएका छन् ।
प्रदेशस्तरीय प्रतियोगिताका लागि टेबलटेनिसमा १२, फुल कन्ट्याक्ट करातेमा १०, कबड्डीमा २८, आटिएफ तेक्बान्दोमा २०, उसुमा १२, जुडोमा ५, चेसमा ८ र ब्याडमिन्टनमा ९ जना छनोट भएको खेलकुद विकास समितिका कार्यालय प्रमुख सन्तोषी बैद्यले जानकारी दिए ।
त्यस्तै प्रदेशले छानेका नुवाकोटका २९ खेलाडीहरूमा तेक्वान्दोमा १४, कराते, क्रिकेट, भलिबल, फुटबल र एथेलेटिक्समा ३÷३ जना रहेको प्रशिक्षक उत्तम राईले जानकारी दिए ।
खलाडीहरूको विदाई कार्यक्रम बोल्दै जिल्ला समन्वय समितिका प्रमुख रजिन्द्रविक्रमसिंह ठकुरीले नुवाकोटका खेलाडीहरूले विगतमा रच्दै आएको इतिहासलाई स्मरण गर्न र अधम्य साहसका साथ खेलेर अवार्ड जिल्ला भित्र्याउन खेलाडीहरूलाई आग्रह गरे । कार्यक्रममा विदुर नगरपालिकाका उपमेयर प्रभा बोगटी, प्रमुख जिल्ला अधिकारी नारायणप्रसाद रिसाल लगायतको सहभागिता थियो ।
No comments:
Post a Comment