संस्थाले आफ्नो नवौं बार्षिक साधारण सभा आज सोमवार विदुर स्थित जिल्ला समन्वय समितिको सभाहलमा राखेको छ । नयाँ कार्य समिति गठनका लागि हुने आठौं अधिवेशन अन्र्तगतको निर्वाचन भदौ २२ गते हुने संस्थाका कार्यालय प्रमुख राजकुमार तिमल्सिनाले जानकारी दिएका छन् ।
यस पटकको नेपाली काँग्रेस–माओवादी केन्द्र र एकीकृत समाजवादीको एक समुह चुनावी प्रतिस्पर्धामा देखिएको छ । त्यस्तै नेकपा एमाले र राप्रपा एक समुहमा प्रतिस्पर्धा गर्न लागेका छन् । दुई जनाले उपाध्यक्ष र सदस्य पदका लागि स्वतन्त्र उम्मेदवारी पनि दर्ता गरेका छन् ।
काँग्रेस–माओवादी–समाजवादी गठबन्धनबाट छत्रराज डंगोल अध्यक्षको उम्मेदवार बनेका छन् । उनी नेपाली काँग्रेसका हुन् । उपाध्यक्ष पदका उम्मेदवार नवराज न्यौपाने शनिवारनै एमाले परित्याग गरी उक्त गठबन्धनबाट उम्मेदवार बनेका हुन् । सचिवमा एकीकृत समाजवादीका नरेशबहादुर डंगोल, कोषाध्यक्षमा माओवादी केन्द्रका रविता भट्ट उम्मेदवार छन् । दुई महिला सदस्यहरूमा शुसिला पौडेल र शान्ती श्रेष्ठ, खुल्ला सदस्यमा राजेन्द्र सापकोटा, रामजी भट्ट र पदमकान्त न्यौपाने काँग्रेस–माओवादी–समाजवादी गठबन्धनबाट उम्मेदवार छन् ।
नेकपा एमाले र राप्रपाको गठबन्धनबाट सञ्जिबबहादुर श्रेष्ठ अध्यक्ष पदका उम्मेदवार बनेका छन् । उपाध्यक्षमा राप्रपाका महेशकुमार डंगोल उम्मेदवार छन् । बाँकी सबै पदमा यो गठबन्धनबाट एमालेका उम्मेदवार छन् । सचिवमा राजेन्द्र पाण्डे, कोषाध्यक्षमा अम्बिका चित्रकार खनाल, महिला सदस्यहरूमा बिष्णुमाया डंगोल र सीता अधिकारी उम्मेदवार छन् । त्यस्तै खुल्ला सदस्यहरूमा लबप्रसाद न्यौपाने, कृष्णप्रसाद भट्ट र दीपकबहादुर तिम्सिना छन् ।
यी दुई प्यानल बाहेक पनि उम्मेदवारी दर्ता भएको छ । उपाध्यक्ष पदमा मुरारी नेपालले स्वतन्त्र रुपमा उम्मेदवारी दर्ता गराएका छन् । कार्य समितिको सदस्य पदका लागि बिमल खड्काले समेत स्वतन्त्र रुपमा उम्मेदावारी दिर्ता गराएका छन् ।
दुई प्यानलमा विभाजन भएर दर्ता भएको उम्मेदवारीको आधारमा काँग्रेस–माओवादी–समाजवादी गठबन्धनमा नेपाली काँग्रेसले अध्यक्ष, उपाध्यक्ष र तीन सदस्य उठाएको छ । त्यस्तै सोही प्यानलबाट माओवादीले कोषाध्यक्ष र एक सदस्य गरी दुई जना उठाएको छ । समाजवादीका तर्फबाट सचिव र एक सदस्य गरी दुई जनाको उम्मेदवारी परेको छ ।
अर्को गठबन्धन एमाले–राप्रपामा भने राप्रपाले उपाध्यक्ष एक सिट र बाँकी आठ सिटमा एमालले उम्मेदवारी दिएको छ ।
No comments:
Post a Comment