नेपाली काँग्रेसले मंसिर ४ गते हुने संघीय र प्रदेश निर्वाचनका लागि धमाधम उम्मेदवार सिफारिस गरिरहेको छ । यसैक्रममा नुवाकोट जिल्लाको क्षेत्र नं. १ का लागि नेपाली काँग्रेसका प्रवक्ता डा. प्रकाशशरण महतलाई पहिलो नम्बरमा सिफारिस गरेको छ । दोश्रो नम्बरमा डा. रामशरण महतलाई सिफारिस गरेको क्षेत्रीय सभापति धुव्र श्रेष्ठले जानकारी दिए ।
समानुपातिकमा पहिलो नम्बरमा डा. रामशरण महतलाई नै राखिएको छ भने दोस्रो नम्बरमा डा. केदारनरसिंह केसीको नाम सिफारिस गरिएको छ । केसीलाई क्षेत्रले समानुपातिकको दोस्रो नम्बरमा राखेको छ । पुर्व जिल्ला सभापति जगदीश्वरनरसिंह केसीलाई भने प्रदेश कार्यसमितिले प्रदेशका लागि सिफारिस गरेको छ । समानुपातिकमा कृष्ण वाईवा, प्रकाश गौतम र सीता मिजारको नाम सिफारिस भएको छ ।
क्षेत्र नं. १ को प्रदेश (क) ले ४३ जनाको नाम प्रदेश उम्मेदवारका लागि सिफारिस गरेको छ । प्रदेश क का कार्यबाहक सभापति उपेन्द्र दाहालका अनुसार प्रत्यक्षतर्फ पुर्व जिल्ला सभापति जगदीश्वरनरसिंह केसी, प्रमोद रिमाल, महेन्द्र थिङ, कृष्ण कुईकेल, रामेश्वर अधिकारी, नारायणप्रसाद पाण्डे, रामकृष्ण थापा, गोकर्णराज पण्डित, रामेश्वर थापा, मुकुन्दप्रसाद पाण्डे, माधवराज अधिकारी, सञ्जिब गुरुङ रहेका छन् । महिलातर्फ एक मात्र इन्दिरा अधिकारीको नाम सिफारिस गरेको छ ।
यस्तै, समानुपातिक खुल्ला तर्फ रमेशकुमार महत, डा. केदारनरसिंह केसी, बैकुण्ठ मिश्र, विषम रिमाल, अच्चुत गुरागाई, निरञ्जन थापा, प्रेमबहादुर पाठक, बिनोद शाह, हरिबहादुर दुलाल, दिनेश पण्डित, निदेश खनाल, शिवहरि बिष्टलाई सिफारिस भएको छ । खुल्ला महिलामा मञ्जुकुमारी केसी, सिता पराजुली खड्का, उमा आचार्य, अप्सरा थापा, अञ्जु आचार्य करुणा पाण्डे सिफारिस भएको छ । जनजाती पुरुषमा सुर्यबहादुर तामाङ, कविराज गुरुङ, नरेश तामाङ, दिनेश तामाङ, रामबहादुर डंगोल, सुनबहादुर तामाङ, लालबहादुर तामाङलाई सिफारिस गरेको छ ।
यस्तै जनजाती महिलामा सिर्जना तामाङ र खसआर्यमा सरोज केसी र नेमा ह्याल्मो शेर्पा सिफारिस भएका छन् ।
नेपाली काँग्रेस क्षेत्र नं. १ को (ख) प्रदेशले प्रदेशसभा सदस्यका लागि विभिन्न तहमा गरेर २३ जनाको नाम सिफारिस गरेको छ । प्रदेश सभापति रामजी पौडेलको सभापतित्वमा बसेको बैठकले प्रत्यक्ष, समानुपातिक, जनजाती र महिला गरेर २३ जनाको नाम सिफारिस गरेको हो ।
उम्मेदवार बन्नका लागि ४३ जनाले निवेदन दिएपनि २३ जनाको मात्रै सिफारिस भएको छ । प्रत्यक्षमा पार्टी सभापति रमेश महतलाई पहिलो नम्बरमा र दोश्रोमा पूर्व जिल्ला सभापति जगदीश्वरनरसिंह केसीलाई राखिएको छ । तेश्रो नम्बरमा सुकुम्बासी आयोगका अध्यक्ष तथा पूर्व क्षेत्रीय सभापति अर्जुन न्यौपाने सिफारिस भएका छन् ।
चौथोमा जिल्ला सचिव बैकुण्ठ मिश्रको नाम सिफारिस भएको छ । यस्तै यदुमान लामा, पशुपतिदेव पाण्डे, र ऋषिकुमार तामाङ र भाग्यश्री लामालाई प्रत्यक्षमा सिफारिस भएका छन् ।
समानुपातिकमा भने क्षेत्रिय सभापति रामजी पौडेल, शिव अधिकारी, प्रल्हाद पन्थ, उपेन्द्र मिश्र, राजु कँडेल श्रीराम ढुंगाना, उपेन्द्र कुईकेल र दिपक परियारको नाम सिफारिस भएको छ । समानुपातिक जनजातीमा कुमार गुरुङ, बिष्णुबहादुर गुरुङ र पुर्णलाल श्रेष्ठको नाम छ । महिलातर्फ भवानी देवकोटा, धनकुमारी थापा (सरु), सरस्वती मल्ल र सरिता आचार्यको नाम छ ।
नेपाली काँग्रेस नुवाकोट प्रदेशसभा निर्वाचनका लागि क्षेत्र नं. २ को प्रदेश (क) कार्यसमितिले २१ जनाको नाम सिफारिस गरेको छ । प्रदेश सभापति बैकुण्ठबहादुर पाण्डेको सभापतित्वमा बसेको बैठकले नाम सिफारिस गरेको हो ।
प्रत्यक्षतर्फ नाम सिफारिस भएकाहरूमा निर्वतमान जिल्ला सभापति जगदीश्वरनरसिंह केसी, जिल्ला सभापति रमेश महत, पुर्व जिल्ला सभापति धुव्र अधिकारी, जिल्ला उपसभापति राजु थापा, प्रदेश सभापति बैकुण्ठबहादुर पाण्डे, चोकराज शाक्य, हरिकृष्ण श्रेष्ठ, यादवप्रसाद नेपाल, जयराम दाहाल, श्यामराज पाण्डे, प्रतापसिंह लामा, मोहनबहादुर खड्का, प्रदिपकुमार सेढाई, कृष्णबहादुर अधिकारी, विष्णुराज नेपाल, गोविन्द अर्याल, अर्ज‘नकुमार नेपाल, महेन्द्र थिङ, सुनिमा तामाङ, नुवाकोट उद्योग बाणिज्य संघका अध्यक्ष ताराबहादुर कार्की र बेलकोटगढीका नगरसभापति लेखनाथ मुडवरी छन् ।
समानुपातिकतर्फ १५ जना सिफारिस भएको छ । जसमा बद्रीप्रसाद मुडवरी, बिन्दा थापामगर, श्रीराम श्रेष्ठ, गीता अमात्य, प्रकाश राई, दिपक लामा, अक्कलबहादुर ढुङ्गाना, हिरा पाण्डे, राजेन्द्र चित्रकार, लक्ष्मण श्रेष्ठ, अञ्जली पाण्डे, बबी रिमाल, भोजबहादुर रिमाल, सुर्दशन नेपाली र कृष्णप्रसाद पाण्डे रहेको बताइएको छ ।
क्षेत्र नं. २ को (ख) प्रदेशले प्रदेशसभाका लागि १४ जनाको नाम सिफारिस गरेको छ । सभापति गणेश लामाका अनुसार प्रत्यक्षमा पहिलो नम्बरमा क्षेत्रीय सभापति जगत लामाको नाम सिफारिस भएको छ । प्रत्यक्षमा महाधिवेशन प्रतिनिधि फैसिङ तामाङ र राजकुमार भट्टराईको नाम सिफारिस छ । समानुपातिकमा चोकराज शाक्य, सुरेन्द्रराज अधिकारी, श्री सापकोटा, विन्दादेवी अर्याल, शान्ती लामा तामाङ, सुनमाया तामाङ, गरबहादुर तामाङ, हरि श्रेष्ठ, जितेन लामा र कृष्ण नेपालीको नाम सिफारिस भएको छ ।
प्रत्यक्षमा तामाङ, समानुपातिमा केसी
विदुर । नेपाली काँग्रेस क्षेत्र नं. २ ले काँग्रेस केन्द्रीय सदस्य बहादुरसिंह लामा तामाङसहित अन्य दुई जनाको नाम सिफारिस गरेको छ ।
शुक्रवार बसेको क्षेत्रीय कार्यसमितिको बैठकले लामासहित राज्यलक्ष्मी पाण्डे श्रेष्ठ र लालीमाया तामाङको नाम सिफारिस गरेको हो । प्रत्यक्षबाट क्षेत्र नं. २ मा चुनाव उठ्ने इच्छा व्यक्त गर्दै आएका केन्द्रीय सदस्य अर्जुननरसिंह केसीलाई भने क्षेत्रिय समितिले समानुपातिकमा राखेको छ । केसी पछि धुव्र अधिकारी र रुक्मिणी सेढाईको नाम समानुपातिकमा सिफारिस गरेको छ ।
