विदुर । नेपाल र चीनबीचको रसुवा–केरुङ बन्दरगाह दुईतर्फी व्यापारका लागि औपचारिक रुपमा सुरु भएसँगै ३ करोड रुपैयाँ बराबरको सामाग्री नेपालबाट निर्यात भएको छ ।
जनगणतन्त्र चीनको तिब्बत स्वायत्त क्षेत्रको वाणिज्य विभागले बन्दरगाहको उद्घाटन अवलोकन गर्न केरुङमा एक औपचारिक समारोहको आयोजना समेत गरेको छ । त्यस्तै, हिल्सा–पुराङ बन्दरगाह पनि २६ डिसेम्बर २०२२ देखि एकतर्फी व्यापारका लागि खुला गरिएको विज्ञप्तिमा जनाइएको छ ।
बन्दरगाह सुचारु भएपछि नेपाल र चीनबीचको द्विपक्षीय व्यापारमा वृद्धि हुने छ । रसुवा भन्सारबाट ३ करोड रुपैयाँ बराबरको वस्तु निर्यात भएको छ । नेपालबाट निर्यात खुलेको १५ दिनमा ३ करोड रुपैयाँको वस्तु निर्यात भएको हो ।
रसुवा भन्सार कार्यालयले १२ पुसयता नेपालबाट २० वटा गाडीमा ३ करोड मूल्यको नेपाली वस्तु चीनतर्फ निर्यात भएको जनाएको छ । प्रमुख भन्सार अधिकृत नारायणप्रसाद भण्डारीले नेपालबाट कार्पेट, बाँसको मुडा, नेपाली मूर्ति र माटोका भाँडाहरू चीनतर्फ निर्यात भएको बताएका छन् ।
नेपालबाट वस्तु निर्यात हुँदा भन्सार शुल्क नलाग्ने र प्रज्ञापन शुल्क बापत एक सय रुपैयाँ मात्रै तिरे पुग्ने भन्सार कार्यालयले जनाएको छ । नेपालबाट वस्तु निर्यात सुरू भएपछि व्यवसायीहरू उत्साहित भएको रसुवा उद्योग वाणिजय संघले जनाएको छ । संघका अध्यक्ष खिसाङ नोर्व‘ तामाङले निर्यात सुरू हुनु सकारात्मक भएको बताए । तीन वर्षदेखि रोकिएको निर्यात खुलेसँगै व्यवसायीहरू उत्साहित भएका छन् ।
रसुवा नेपालबाट चीनमा वस्तु निर्यातका लागि सजिलो बिन्दु भएकाले चीनतर्फ रसुवाकै उत्पादन निर्यात पनि बढी भएको छ । यससँगै नेपाली ब्यबसायीहरूलाई केरुङसम्म जान दिने बिषयमा छलफल सुरु भएको छ । दोहोरो ब्यापारलाई तिब्रता दिनको लागी केरुङसम्मको लागी एक दिने पास उपलब्ध गराउने बिषयमा छलफल सुरु भएको रसुवा प्रशासनले जनाएको छ । दुई तर्फी रुपमा ब्यबसायिहरू आबतजाबत भएमा ब्यापार समेत फष्टाउने छ । अहिले पनी नेपाली ब्यबसायिले खरिद गरेर केरुङ र पाङसिङ करिब १ अर्ब भन्दा माथिका सामाग्री रहेको ब्यसायीहरूले बताएका छन् ।
No comments:
Post a Comment