विदुर । नुवाकोटमा नेकपा एमालेको संगठन सुदृढीकरणका लागि पाँच जना केन्द्रीय सदस्यलाई एमालले जिम्मेवारी दिएको छ । जिम्मेवारी पाउनेमा शर्मिला कार्की, माधव अर्याल, भारती पाठक, हरिकृष्ण व्यञ्जनकार र गीता कार्की छन् ।
शर्मिला कार्कीलाई बेलकोटगढी नगरपालिका र तारेकश्वर गाउँपालिकको जिम्मेवारी तोकिएको छ । त्यस्तै भारती पाठकलाई विदुर नगरपालिका, किस्पाङ गाउँपालिका र म्यागङ गाउँपालिकाको जिम्मेवारी तोकिएको छ । त्यस्तै माधव अर्याललाई दुप्चेश्वर गाउँपालिका, सूर्यगढी गाउँपालिका र तादी गाउँपालिकाको जिम्मेवारी दिइएको छ । हरिकृष्ण व्यञ्जनकार लाई ककनी र लिखु गाउँपालिकामा तोकिएको छ । गीता कार्कीलाई पञ्चकन्या र शिवपुरी गाउँपालिकाको जिम्मेवारी छ ।
एमालेको दिइएको दुई महिने पार्टी सुदृढीकरण तथा विस्तार अभियान यही फागुन ५ गतेबाट शुरू भएको छ । पार्टीका करिब ९ लाख संगठित सदस्यसहित देशभरका लाखौं कार्यकर्ताहरूलाई एकैपटक सक्रिय गराउन एमालेले २ महिने अभियान थाल्नेको हो ।
No comments:
Post a Comment