वृद्ध मृत भेटिए

विदुर । नुवाकोटको विदुर नगरपालिका २ स्थित सेराको सडक किनारमा गएको सोमवार  एक वृद्ध मृत अवस्थामा भेटिएका छन् ।

लिखु गाउँपालिका वडा नं. ४ चौघडाका ७१ वर्षीय झिल्के राई मृत अवस्थामा भेटिएको जिल्ला प्रहरी कार्यालयका सूचना अधिकारी एवं डीएसपी रुपक खड्काले बताए । उनको पोष्टर्माटम गरी आफन्तलाई शव बुझाइएको प्रहरीले जनाएको छ । मृत्युको कारण यकिन भएको छैन । साथै घटनाबारे थप अनुसन्धान भइरहेको प्रहरीले जनाएको छ ।