 |
| बिहीवार चैनपुरमा भएको बस दुर्घटना |
विदुर । नुवाकोटमा बिहीबार भएको बस दुर्घटनामा तारकेश्वर गाउँपालिकाकाका एकै परिवारका दुई जनाको ज्यान गएको छ । ३ जनाको मृत्यु भएको उक्त बस दुर्घटनामा २३ जना घाइते भएका छन् ।
तारकेश्वर गाउँपालिका भमराका ७८ वर्षिया रामप्रसाद अर्याल र उनको श्रीमती सीतादेवी अर्यालको निधन भएको हो । उनीहरू तारकेश्वर गाउँपालिकाका नेपाली काँग्रेसका सभापति केशवराज अर्यालका बाआमा हुन् । मृत्यु हुने थप एक जनामा विदुर नगरपालिका ३ का ६३ वर्षीय बाबुराम दर्जी नेपाली छन् ।
विदुर नगरपालिका ४ बट्टारबाट तारकेश्वर गाउँपालिका वडा नं. १ दाङसिङतर्फ जाँदै गरेको बा २ ख ८४५ नम्बरको बस विदुरको चैनपुरमा दुर्घटना भएको हो । दुर्घटनामा परी अन्य २३ जना घाइते भएका थिए । बस सडकबाट २० फिट तल खसेको थियो ।
यसै बीच, बिहीवार नै नुवाकोटमा भएको अर्को सवारी साधन दुर्घटनामा परी ४ जना घाइते भएको जिल्ला प्रहरी कार्यालय नुवाकोटले जानकारी दिएको छ । दुप्चेश्वर वडा नं. ३ र ६ को सिमानामा पर्ने दोरदोरे खोल्चामा बोलेरो जिप दुर्घटनामा परेको हो ।
No comments:
Post a Comment