नुवाकोटको तादी गाउँपालिका वडा नंं ४ मा रहेको बाघमार
अधिवक्ता रामेश्वर भण्डारी
नुवाकोट जिल्लाको पुर्बीभेग अन्तरगत तादी गाउँपालिका वडा नं. ४ सुन्दरादेबीमा अबस्थित बाघमारा साच्चिकै रमणिय अनि सुन्दर पर्यटन क्षेत्रको रुपमा चिरपरिचित ठाउँ हो । काठमाडौबाट टोखा छहरे मार्ग हुँदै करिव ३ घण्टा भित्रमा बाघमारामा पुक्न सकिन्छ । बाइपास ककनी हुँदै त्रिशुली निस्केर पनि पुग्न सकिन्छ त्यसै गरी काठमाडौ गल्छी त्रिशुली हुँदै पनि जान सकिन्छ । बाघमारा नुवाकोटको स्थानीय पर्यटन स्थलको रुपमा केहि बर्षदेखि चलन चल्तीको रुपमा आएको पाइन्छ ।
मुलुकको अहिलेको शासन ब्यबस्था संघीय अनि तीन तहको सरकारको अबधारणाले गर्दा आज बाघमारा जस्ता ठाउँको खोजिनीति हुने गरेको पाइन्छ ।
नुवाकोट जिल्लाको अतिनै सुन्दर ठाउँको रुपमा रहेको यो पर्यटन क्षेत्रलाई बिकास गर्ने हो भने त्यस क्षेत्रका ब्यक्तिहरू लगायत सिङ्गो नुवाकोट जिल्ला को आर्थिक सामाजिक रुपामा ठुलो टेवा पुग्ने देखिन्छ । तीन तहको सरकारले यस क्षेत्रलाई प्राथमिकतामा राखेर बिकास गर्न‘ पर्ने देखिन्छ । सातबिसे बाघमारा सडक २०५४ साल देखि सुरु गरेको पाइएता पनि जुन उद्देश्यको लागि सडक बनाउने काम गरिएको थियो त्यस उद्देश्यलाई आज सातबिसे बाघमारा सडक खण्डले पुरा गर्ने सकेको छैन । पाँच किलोमिटर बाटोलाई करोडौं लगानी गर्दा पनि आज सडकको गुणस्तरलाई हेर्दा निकै नै कमजोर अबस्थामा सडक रहेको छ । अहिलेसम्म पनि बर्षायाममा गाडी जान गाह्रो पर्ने अबस्थामा सडक रहेको देखिन्छ ।
२०५४ सालको गाउँ बिकासमा जसरी पनि बाघमारामा बिकास गर्न‘ पर्छ भन्ने काउलेका मानबहादुर तामाङ अनि रामेश्वर भण्डारी लगायतले नब युवा बिकास मञ्चको गठनगरि पर्यटन अनि कृषिमा जोड दिनु आबश्यता हो भनी रसुवा मुहान भएको सिचाइको ब्यबस्थापन गर्ने काम सेभद चिल्ड्रेन अन्तराष्ट्रिय गैरसरकारी संस्थाले गरेको थियो । त्यहाका किसान कृष्णप्रसाद सिटौला मानबहादुर तमाङ लगायत दर्जनभन्दा बढी किसानहरूले उच्च क्षेत्रमा अर्गानिक घिउसिमी लगाएत आलु जौउ लगायत कृषिको सुरु गरेको पाइन्छ ।
नब युवा कल्बले आफ्नो उद्देश्य अनुसार काम गर्न पाएन संस्था राजनीतिका कारण संस्थाले गति लिन सकेन । २०५७ सालसम्म सक्रिय रहेको संस्था पछि मुलुकमा भएको जनयुद्धको कारण बन्द हुन पुग्यो । अनि मानबहादुर तमाङ अझै बाघमारामा सपना देखिरहेका छन् अनि रामेश्वर भण्डारी भने काठमाडौंमा बाघमाराको सपना देखिरहेका छन् ।
साच्चिकै बाघमारा सुनको कचौरो हो हामी सुनको कचौरोलाई हातमा लिएर माग्न हिडिरहेका छौ । आज मुलुकले नयाँ मोड लिएको छ । सिंहदरवारको काम आज गाउँपालिकाले गर्न सफल भएको छ । बाघमाराको बिकासमा सबै भन्दा अगाडी गाउपालिकाले आफ्नो दायित्व पुरा गर्न‘ पर्ने हुन्छ । जुन स्थानीय सरकार उसको प्रमुख भुमिका त्यस क्षेत्रमा हुने गर्दछ । हामी सम्पुर्ण नुवाकोटबासीहरूको मात्र होइन कि यो क्षेत्रलाई बिश्वसामु पुराउनु पर्ने छ स्थानीय पर्यटन क्षेत्र मात्र होइन अन्तर्राष्ट्रिय पर्यटन क्षेत्र बनाउनु पर्नेछ ।
हामीले बाघमाराको लागि एउटा छुट्टै बिकास समिति बनाएर सरोकारवाला बिज्ञहरूको रोडम्यापमा काम गर्ने हो भने गाउँपालिका लगायत सिङ्गो जिल्लाको बिकासमा टेवा पुर्याउने काम बाघमाराले गर्ने छ । बाघमारा बास्तबमा सुनको कचौरा हो हामी बाघमारालाई चिन्ने प्रयास गरौ अनि बुझ्ने काम गरौ ।
No comments:
Post a Comment