बुद्धभूमि हाइड्रोपावरको नाफा बढ्यो

विदुर । नुवाकोटको बुद्धभूमि नेपाल हाइड्रोपावर कम्पनीले चालु आर्थिक वर्षको दोस्रो त्रैमासमा ८४ लाख ५२ हजार रुपैयाँ खुद नाफा कमाएको छ । असोज मसान्तसम्ममा यसले ४ लाख २२ हजार रुपैयाँ नाफा आर्जन गरेको थियो । गत वर्ष यसले विद्युत उत्पादन सुरु गरेको थिएन । कम्पनीको विद्युत बिक्रीबाट हुने आम्दानी ८ करोड ४८ लाख ४८ हजार रुपैयाँ पुगेको बताइएको छ । 

चालु आर्थिक वर्षको पहिलो त्रैमासमा यसले विद्युत बिक्रीबाट ३ करोड ६९ लाख रुपैयाँ आम्दानी गरेको थियो ।