डान्सिङ स्टार र दोहोरी च्याम्पियन
प्रभा ढुङ्गाना
ककनी । नुवाकोटको ककनीमा डान्सिङ स्टार र दोहोरी च्याम्पियन प्रतियोगिता भएको छ । राष्ट्रिय संगितकर्मी संघ नुवाकोटको आयोजना र राष्ट्रिय संगितकर्मी संघ ककनी गाउँपालिकाको सह आयोजनामा राखिएको डान्सिङ स्टार र दोहोरी च्याम्पियन प्रतियोगिता कार्यक्रम सम्पन्न भएको हो ।
कार्यक्रममा ककनी गाँउपालिकाका अध्यक्ष सुमन तामाङले सांस्कृतिक प्रतियोगिताहरूले आफ्नो संस्कृति जगेर्ना, कला प्रस्फुटन, लुकेका प्रतिभाहरूको उजागर हुने बताए । कला, संस्कृति, रितिरिवाजको जगेर्नाका आफ्नो सधै साथ र सहयोग रहिरहने अध्यक्ष तामाङले बताए । कार्यक्रममा बेलकोटगढी नगरपालिकाका नगरप्रमुख जगतबहादुर गुरुङ, ककनी गाउँपालिका उपाध्यक्ष मिठुमाया लामाले गाँउठाँउमा गुम्सिएर बसेका कलाकर्मीहरूलाई अगाडी बडाउनको लागी जिल्लामा रहेका प्रतिभाहरूलाई प्रस्फुटन गर्न र गराउनका लागि गरिएको कार्यक्रमको प्रशंसा गरे । ककनी गाँउपालिकाका वडा अध्यक्षहरू, सदस्यहरू, समाजसेवी, राष्ट्रिय संगितकर्मी संघका विभिन्न पालिका अध्यक्षहरू, स्थानियहरू लगायतको उपस्थिति थियो ।
प्रतियोगिताको दोहोरी च्याम्पियनमा १२ जना कलाकाकारहरूले दोहोरी च्याम्पियन र १९ जनाले नृत्यमा सहभागिता जनाए । दुवै प्रतियोगितामा प्रथम हुने कलाकारलाई २५/२५ हजार रुपैयाँ नगद, दोश्रो स्थान हासिल गर्नेलाई नगद १५/१५ हजार रुपैयाँ र तेश्रो स्थान हासिल गर्ने कलाकारलाई नगद १०/१० हजार रुपैयाँ सहित ट्रफी र प्रमाणपत्र प्रदान गरिएको छ ।
दोहोरीतर्फ चर्चित गायक प्रकाश कटुवालको संयोजकमा अमृत खाती र सैलाफ वाइबाको निर्णयले सबिन तामाङ र रिता गुरुङले प्रथम स्थान हासिल गरे । दोश्रो स्थानमा दिल श्रेष्ठ, सबिना तामाङ र तेश्रो स्थान अम्बिका ढुंगाना र जगत बोगटीले हासिल गरे । त्यस्तै सान्त्वना स्थान उत्तम लामिछाने र सरिता तामाङले पाएका थिए ।
नृत्यतर्फ शुक्र लामाको निर्णायक सम्योजकमा बिजय लामा र दीक्षा घिमिरेको निर्णयले विशाल तामाङ पहिलो, अनिशा तामाङ दोश्रो सुरेन तामाङ तेश्रो र सबिन लामा सान्त्वना स्थानमा बिजयी भएका छन् ।
अर्चना स्याङतानको अध्यक्षतामा भएको कार्यक्रममा राष्ट्रिय संगीतकर्मी संघ केन्द्रीय बरिष्ठ उपाध्यक्ष प्रकाश कटुवाल, केन्द्रीय महासचिव अमृत खाती, संघका बागमती प्रदेश अध्यक्ष रामहरि भण्डारी, संघका जिल्ला सल्लाहकार शैलाप वाईबा, जिल्ला सल्लाहकार विकी लो लामा र गायक समीर लामालगायतको उपस्थिति थियो ।
No comments:
Post a Comment