विद्यालय भवन हस्तान्तरण

नवनिर्मित विद्यालय भवन

देविघाट । विदुर नगरपालिका वडा नं. ५ देवीघाटमा रहेको शहिद जगतप्रकासजंग शाह संस्कृत माविका लागि निर्मित तीनवटा भवन गएको हप्ता हस्तान्तरण भएको छ । 

कार्यक्रमका प्रमुख अतिथि नेपाली काँग्रेसका केन्द्रीय सदस्य एवं नुवाकोटका प्रतिनिधि सभा सदस्य अर्जुननरसिंह केसीले दातृ संस्थाको तर्फबाट विद्यालयलाई भवन हस्तान्तरण गरेका हुन् । भूकम्पबाट क्षतिग्रस्त सो विद्यालयमा पठनपाठन तथा दैनिक कार्य सहजताका लागि १० करोड १५ लाख रुपैयाँको लागतमा तीनवटा २४ कोठे भवन विद्यालयलाई हस्तान्तरण गरिएको हो । कक्षा १० सम्म पठनपाठन हुँदै आइरहेको सो विद्यालयमा हाल २८ जना आवासीयसहित ५५० जना विद्यार्थी अध्ययनरत छन् ।