देउराली । म्यागङ गाउँपालिकाको शिक्षा तथा खेलकुद शाखाले शिक्षकहरूलाई सहभागी गराई हाजिरिजवाफ प्रतियोगिता सञ्चालन गरेको छ । शिक्षकहरूलाई विभिन्न परीक्षमा समेत काम लाग्ने र विद्यार्थीहरूलाई सिकाउन सहयोग मिल्ने भन्दै हाजिरिजवाफ प्रतियोगिताको आयोजना गाउँपालिकाका अध्यक्ष आशा तामाङले बताएका छन् ।
शिक्षक सेवा आयोगको तयारीलाई सहयोग पु¥याउने उदेस्यले हाजिरिजवाफ प्रतियोगिता सञ्चालन गरिएको शिक्षा अधिकृत शेरसिहं रावतले जानकारी दिए । प्रतियोगितामा शिक्षक सेवा आयोगको पाठ्यक्रममा आधारित प्रश्नहरू सोधिएको थियो । प्रतियोगितामा सहभागी १२ विद्यालयहरू मध्ये विन्दुकेशर माध्यमिक विद्यालय प्रथम, ग्रामसेवा माध्यमिक विद्यालय द्वितीय र भूमेदेवी माध्यमिक विद्यालय तृतीय भएको थियो । विजयी विद्यालयहरूलाई प्रमाणपत्र सहित मायाको चिनो प्रदान गरिएको रावतले जानकारी दिए ।
गाउँपालिकाका अध्यक्ष आशा तामाङ, उपाध्यक्ष सीता तामाङ, सबै वडाका वडा अध्यक्षहरू सहित जनप्रतिनिधि, शिक्षा शाखामा कार्यरत कर्मचारी, पालिका भित्रका विद्यालयहरूको व्यवस्थापन समितिका अध्यक्ष, प्रधानाध्यापक लगायत शिक्षकहरूको सहभागितामा उक्त हाजिरिवाफ प्रतियोगिता संचालन भएको थियो । साथै कार्यक्रममा सहभागीहरू बीच पालिकामा शिक्षाको गुणस्तर बढाउनलाई सञ्चालन गर्न‘पर्ने गतिविधिको बारेमा छलफल समेत भएको थियो । गाउँपालिकाका अध्यक्ष आशा तामाङले शैक्षिक क्षेत्रमा देखिएको समस्यालाई समाधान गर्दै लैजाने बताए । त्यस्को लागि आवस्यक बजेटको व्यवस्था गर्न गाउँपालिका प्रतिवद्ध रहेको उनको भनाई छ ।
शैक्षिक गुणस्तरवृद्धि गर्न जनप्रतिनिधि सहित शिक्षा तथा खेलकुद शाखाले पालिकाभित्रका प्रत्येक विद्यालयको बास्तबिक अवस्थाको बारेमा जानकारी लिन प्रत्यक्ष रुपमा अनुगमनका गतिविधिहरू सञ्चालन गर्दै आइरहेको छ । अनुगमनको क्रममा प्राप्त समस्या समाधानको लागि विद्यालय व्यवस्थापन समिति सहित शिक्षक, वडा कार्यलय, गाउँपालिकाको कार्यलय, र शिक्षा तथा खेलकुद शाखा कुन बढी जिम्मेवार छ पहिल्याएर अघि बढ्ने गरेको शिक्षा अधिकृत रावतले बताए ।
विद्यार्थीको शैक्षिक अवस्थाको बारेमा जानकारी लिनलाई कक्षागत अनुगमनको साथै विद्यार्थी र अभिभावकसँग अन्तरक्रिया समेत गर्ने गरिएको उनको भनाई छ ।
No comments:
Post a Comment