 |
| सूर्यगढी सामुदायिक क्याम्पसको १५ औं बार्षिक उत्सब |
चोकते । नुवाकोट जिल्ला सुर्यगढी गाउँपालिका वडा नं. ३ मा स्थित सूर्यगढी गाउँपालिकाको एक मात्र सामुदायिक क्याम्पसको गत सोमबार १५ औं बार्षिक उत्सब तथा क्याम्पस भवन समुद्उद्घाटन भएको छ ।
सूर्यगढी क्याम्पसको बार्षिक उत्सब तथा भवन उद्घाटन कार्यक्रममा प्रमुख अतिथि पूर्व खेलकुद मन्त्री तथा संघीय सांसद हितबहादुर तामाङ, विशेष अतिथि पूर्व कृषि राज्यमन्त्री तथा पूर्व बागमति प्रदेशको उपप्रमुख र हाल प्रदेश सदस्य राधिका तामाङ, विशेष अतिथि पूर्व प्रदेश मन्त्री तथा प्रदेश सांसद, नेकपा एमालेको जिल्ला अध्यक्ष बद्री मैनाली, विशेष अतिथि प्रदेश संसाद रमेशकुमार महत, जिल्ला समन्वय समितिका प्रमुख रजिन्द्रविक्रमसिंह ठकुरी, गाउँपालिकाको अध्यक्ष सन्तबहादुर घले तामाङ लगायतको उपस्थिति थियो । यस्तै, प्रमुख जिल्ला अधिकारी किरण थापा, त्रिभुवन विश्वविद्यालयको रसायन शास्त्र विभागको प्रमुख प्राध्यापक डा. रामेश्वर अधिकारी, नेकपा माओवादी केन्द्रका जिल्ला संयोजक पुष्प लामिछाने, राप्रपाका अणबहादुर प्याकुरेलसमेत उपस्थितिमा कार्यक्रम सम्पन्न भएको थियो ।
संघीय सांसद बिमला सुवेदीको सभापतित्वमा भएको उक्त कार्यक्रममा बार्षिक प्रतिवेदन तथा हालसम्म भएका गतिविधिको बारेमा क्याम्पस प्रमुख शिवबहादुर भण्डारीले जानकारी दिएका थिए ।
क्याम्पस प्रमुखको प्रतिवेदन अनुसार उक्त भवन निर्माण गर्नको लागि विश्वविद्यालय अनुदान आयोगबाट १ करोड ९ लाख, बागमती प्रदेशबाट ५० लाख प्राप्तभएको साथै विभिन्न शैक्षिक, भौतिक निमार्ण गर्नको लागि तत्कालिन जिविस नुवाकोट ५ लाख, सुर्यगढी गाउँपालिकाबाट ६ लाख ४८ हजार प्राप्तभएको छ । भवननिर्माण गर्नको लागि स्थानिय विभिन्न व्यक्तिले दिइएको जग्गादाताहरूलाई समेत उक्त कार्यक्रममा सम्मान गरियो ।
क्याम्पस भवननिर्माणको लागि जग्गादिने जग्गादातामा सुर्यगढी गाउँपालिका वडा नं. ३ का बालकृष्ण अधिकारीले ५ आना, सूर्यगढी ३ निवासी कृष्णप्रसाद नेपाल र स्व. रामकृष्ण खनालले केही क्षेत्रफलको जग्गा दिएका छन् ।
.jpg) |
| सूर्यगढी सामुदायिक क्याम्पसको १५ औं बार्षिक उत्सब |
No comments:
Post a Comment