नुवाकोटमा मतदाता नामावली अद्यावधिक गर्न थालियो

निर्वाचन कार्यालयले आयोजना गरेको कार्यक्रम

विदुर । निर्वाचन आयोगले नुवाकोटमा मतदाता नामावली अद्यावधिक गर्न थालेको छ । दोहोरो मतदाता, निधन भएका, नाम फरक, दुई स्थानीय तहमा नामावली रहेको लगायत त्रुटि सच्याउने कार्य थालिएको हो ।

जिल्लाका १५ सय दोहोरो मतदाता हटाइएको जिल्ला निर्वाचन कार्यालयका जयप्रसाद गौतमले बताएका छन् । साथै चितवन २ मा हुन गइरहेको उपनिर्वाचनलाई लक्षित गरेर अन्तरक्रिया कार्यक्रम गरिएको छ । आयोगले तयार गरेको फोटोसहितको मतदाता नामावलीमा मतदाताले आफ्नो नाम विवरण हेर्न एवं अद्यावधिक गर्न सहज पहुँच प्रदान गर्ने जनाएको छ । नुवाकोटमा २ संघीय र ४ प्रदेश निर्वाचन क्षेत्र छन् । 

निर्वाचन कार्यालयका अनुसार जिल्लामा मतदाता संख्या २ लाख ४० हजार २७८ पुगेको छ । १३२ मतदानस्थल र २८८ स्थायी मतदान केन्द्र छन् भने २ वटा अस्थायी मतदान केन्द्र छन् ।