विदुर । नुवाकोटको विदुर नगरपालिकास्थित पन्ध्र वर्षअघि सवारी ज्यान मुद्दामा कैद सजाय तोकिएका एक जना पक्राउ परेका छन् । जिल्ला प्रहरी कार्यालय नुवाकोटबाट खटिएको टोलीले साविक खड्गभञ्ज्याङ गाविस ९ हाल बिदुर नगरपालिका ३ बस्ने ४६ वर्षीय राजु राईलाई पक्राउ गरेको हो ।
प्रहरीले राईलाई गएको आइतबार बिहान ९ बजे पक्राउ गरी सार्वजनिक गरेको हो । पक्राउपछि प्रहरीले आरोपितलाई नुवाकोट जिल्ला अदालतमा पेस गरी कैद भुक्तानको लागि जिल्ला कारागार नुवाकोट चलान गरिएको डीएसपी खगेन्द्र खड्काले बताए । राईको तनहुँ जिल्ला अदालतले २०६४ साल असार १९ गतेको फैसलाले सवारी ज्यान मुद्दामा २ वर्ष कैद सजाय तोकेपछि उनी फरार थिए ।
No comments:
Post a Comment